AQTО́BE. 10 aqpan. Oblys ortalyǵyndaǵy «Qazposhta» aksıonerlik qoǵamy Aqtóbe fılıalynyń №19 bólimshesi jańartyldy. Bul týraly egemen.kz tilshisi habarlady.
Poshta baılanys bólimshesiniń ashylý saltanatyna qatysqan «Qazposhta» AQ basqarmasynyń tóraǵasy Baǵdat Mýsın elimizdiń jeti qalasynda «Qazposhtanyń» jańǵyrtylǵan qalalyq poshta baılanys bólimsheleri ashylǵanyn jetkizdi. Ol qyzmetkerlerdiń jumys ornyn jaqsartýmen birge, múmkindigi shekteýli jáne sábılerin qolarbamen alyp júretin jas analardyń kirýine yńǵaıly bolýy úshin pandýstar ornatylǵanyn, tutynýshylar úshin keń zalǵa jańa jumsaq jıhazdar qoıylǵanyn, bólimshelerde bir deńgeıli, ıaǵnı kedergisiz qyzmet kórsetiletinin atap ótti.
Basqarma tóraǵasynyń aıtýynsha, barlyq jańartylǵan poshta baılanys bólimsheleri táýlik boıy jumys isteıdi, olar biryńǵaı elektrondy kezek júıesimen, beıne qadaǵalaý jáne órt qaýipsizdigimen qamtamasyz etilgen. Bolashaqta munda «POST 24» ózine-ózi qyzmet etý bólmesi ashylyp, qarjy qyzmeti boıynsha bankomattar men tólem termınaldary, al poshta qyzmetteri boıynsha abonementtik jáshikter, postamattar qoıylady. Aldaǵy ýaqytta «Qazposhtanyń» Aqtóbe qalasyndaǵy qalǵan 21 bólimshesi de jańartylmaq.
Satybaldy Sáýirbaı.
Derek: egemen.kz.
Sýret: diapazon.kz.