2014 jylǵy 19 jeltoqsan, Astana qalasy
«Altyn belgi» belgisi týraly erejeni bekitý týraly
«Bilim týraly» Qazaqstan Respýblıkasynyń 2007 jylǵy 27 shildedegi Zańynyń 8-2) tarmaqshasynyń 5 babyna sáıkes buıyramyn:
1. Qosa berilip otyrǵan «Altyn belgi» belgisi týraly» ereje bekitilsin.
2. Mektepke deıingi jáne orta bilim, aqparatty tehnologııalar departamenti (J.A.Jontaeva):
1) osy buıryqtyń belgilengen tártippen Qazaqstan Respýblıkasy Ádilet mınıstrliginde memlekettik tirkelýin;
2) Qazaqstan Respýblıkasy Ádilet mınıstrliginde memlekettik tirkeýden ótken soń kúntizbelik on kún ishinde osy buıryqty buqaralyq aqparat quralynda jáne «Ádilet» aqparatty-quqyqtyq júıede resmı jarııalaýyn;
3) osy buıryqty Qazaqstan Respýblıkasy Bilim jáne ǵylym mınıstrliginiń ınternet-resýrsynda ornalastyrýdy qamtamasyz etsin.
4. Osy buıryqtyń oryndalýyn baqylaý Qazaqstan Respýblıkasy Bilim jáne ǵylym vıse-mınıstri E.N.Imanǵalıevqa júktelsin.
5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr A.SÁRINJIPOV.
Qazaqstan Respýblıkasy Bilim jáne ǵylym mınıstriniń
2014 jylǵy 19 jeltoqsandaǵy №532 buıryǵymen bekitilgen
«Altyn belgi» belgisi týraly
Ereje
1. Osy Ereje «Bilim týraly» Qazaqstan Respýblıkasynyń 2007 jylǵy 27 shildedegi Zańynyń 8-2) tarmaqshasynyń 5 babyna (budan ári – Zań) sáıkes ázirlengen.
2. «Altyn belgi» belgisimen myna talaptarǵa sáıkes kelgen jaǵdaıda:
1) úlgili minez-qulyq kórsetken jáne negizgi orta jáne jalpy orta bilim berýdi oqý baǵdarlamalaryna nemese «Nazarbaev Zııatkerlik mektepteri» derbes bilim berý uıymynyń bilim berý oqý baǵdarlamalaryna sáıkes oqý josparynyń barlyq pánderi boıynsha oqý kezeńinde bilim berýdiń negizgi orta jáne jalpy orta deńgeılerinde «5» degen jyldyq jáne qorytyndy baǵalary bar;
2) jalpy orta bilim berýdiń qorytyndy attestattaýynan «óte jaqsy» degen baǵamen ótken bilim alýshylar marapattalady.
3. «Altyn belgi» belgisimen bilim alýshylar negizgi orta, jalpy orta bilim berý jalpy oqý baǵdarlamalaryn iske asyratyn respýblıkalyq bilim berý uıymdarynyń, «Nazarbaev Zııatkerlik mektepteri» derbes bilim berý uıymynyń, oblystar, Astana jáne Almaty qalalary bilim basqarmalarynyń marapattaýǵa usynylatyn bilim alýshylardyn osy Erejeniń talaptaryna sáıkestigi týraly usynystary negizinde Qazaqstan Respýblıkasynyń bilim berý salasyndaǵy ýákiletti organynyń buıryq shyǵarýy jolymen marapattalady.
4. «Altyn belgi» belgisimen marapattaý saltanatty jaǵdaıda ótkiziledi.
5. Zańnyń 26-babynyń 5-tarmaǵyna sáıkes «Altyn belgi» belgisimen marapattalǵan adamdardyń konkýrs ótkizý kezinde bilim berý granttaryn alýǵa, sondaı-aq tehnıkalyq jáne kásiptik, orta bilim berýden keıingi jáne joǵary bilimdi kadrlar daıarlaýǵa arnalǵan memlekettik bilim tapsyrys boıynsha bilim alýshylar quramyna qabyldaýda basym quqyǵy bar.
6. «Altyn belgi» belgisimen marapattalýshy zańnamada belgilengen tártippen densaýlyq jaǵdaıy boıynsha arnaıy talaptar kózdelgen joǵary oqý ornyn tańdaǵan jaǵdaıda, densaýlyǵy Qazaqstan Respýblıkasynyń zańnamasynda belgilengen arnaıy talaptarǵa sáıkes kelgen jaǵdaıda ǵana qabyldana alady.
7. Osy Ereje menshik úlgisine, túrine, nysanyna jáne vedomstvolyq baǵynystylyǵyna qaramastan, belgilengen tártippen bastaýysh, negizgi orta jáne jalpy orta bilimniń jalpy bilim beretin oqý baǵdarlamalaryn iske asyratyn bilim berý uıymdarynyń bilim alýshylarǵa qoldanylady.
8. «Altyn belgi» belgisin daıyndaý osy Erejege qosymshaǵa sáıkes «Altyn belgi» belgisiniń sıpattamasyna sáıkes júzege asyrylady.
«Altyn belgi» belgisi týraly
Erejege qosymsha
«Altyn belgi» belgisiniń sıpattamasy
«Altyn belgi» belgisiniń dıametri 30 mm sheńber bolady, L-80 mys jáne myrysh metaldarynyń arnaıy qorytpasynan daıyndalady.
Belginiń bet jaǵynda astynan lavr butaǵymen kómkerilgen ashyq kitap beınelengen. Osy beıneniń ústińgi jaǵynda «Altyn belgi» degen altynmen jazylǵan jazý shyǵyńqyrap turady. «Altyn belgi» jazba kontýry, ashyq kitap jáne lavr butaǵynyń beıneleri beder túrinde 1 mm alǵa shyǵyńqyrap turady.
Belginiń artqy jaǵynda «Qazaqstan Respýblıkasy» degen jazýmen kómkerilgen Qazaqstan Respýblıkasynyń Memlekettik eltańbasy beınelengen.
Buıryq Qazaqstan Respýblıkasynyń Ádilet mınıstrliginde 2015 jylǵy 21 qańtarda Normatıvtik quqyqtyq kesimderdi memlekettik tirkeýdiń tizilimine №10115 bolyp engizildi.