Búgin saǵat 08:00- degi jaǵdaı boıynsha erigen qar sýynyń saldarynan 3 oblystaǵy 3 respýblıkalyq mańyzy bar avtomobıl jolynda kólik qozǵalysyna shekteý qoıyldy. Bul týraly «QazAvtoJol» UQ» AQ habarlady, dep jazady Egemen.kz.
Aqtóbe oblysy:
- «Qandyaǵash - Embi- Shalqar - Yrǵyz» avtojolynyń 3-92 shaqyrym aralyǵynda (Qandyaǵash qalasy - Embi qalasy) kólik qozǵalysyna shekteý qoıyldy.
Qostanaı oblysy:
- Qazaqstan men Reseı arasyndaǵy beıtarap terrıtorııadaǵy Marınovka aýylyna jaqyn aımaqta (RF shekarasy) jol jabyq.
Soltústik Qazaqstan oblysy:
- «Petropavl qalasynyń aınalma joly» avtojolynyń 4-7 shaqyrymy aralyǵynda (Qojabergen jyraý aınalma jolynan Esil ózeni arqyly ótetin kópirge deıin) kólik qozǵalysyna shekteý qoıylǵan.
Kompanııa málimetinshe, qazirgi ýaqytty respýblıkalyq joldardy kútip-ustaýǵa 259 arnaıy tehnıka men 539 maman jumyldyrylǵan.