Búgin, 25 naýryzda Mınskide jetinshi ret Belarýs prezıdenti atanǵan Aleksandr Lýkashenkony ulyqtaý rásimi ótti, dep habarlaıdy Egemen.kz «Belarus Today» basylymyna silteme jasap.
Belarýste prezıdent saılaýy 26 qańtarda ótti. Belarýs Ortalyq saılaý komıssııasynyń málimetinshe, Aleksandr Lýkashenko 86,82% daýys jınaǵan. Onyń ulyqtaý rásimi eki aıdan keıin ótti. Inaýgýrasııaǵa 1100 adam qatysty.
«26 qańtarda biz taǵy bir tarıhı jol aıryǵyn kesip óttik. Biz úsh ǵasyr boıy júrip kele jatqan jolymyzdan burylmaı, senimdi jáne sanaly túrde óttik», dedi Lýkashenko saltanatty sharada.
Ǵasyrdyń úshten birine jýyq ýaqytynda Aleksandr Lýkashenko prezıdenttik qyzmette boldy. Ol alǵash ret 1994 jyly shildede Belarýstegi birinshi prezıdenttik saılaýda jeńiske jetken bolatyn.
Bul Lýkashenkonyń jetinshi merzimi.