Jańasemeı aýdany Shúlbi kentininiń 26 otbasy bıyl Naýryz meıramyn jańa úıde jarqyrap qarsy aldy.
Eki páterli turǵyn úıdiń kiltin tabys etý saltanatty rásimine aýdan ákimi Almas Tastenbekov qatysty. Onyń aıtýynsha, qazir Jańasemeı aýdanynda 100-den astam azamat turǵyn úı kezeginde tur. Olardyń baspana máselesin kezeń-kezeńimen sheshý úshin birqatar is-sharalar qolǵa alynyp jatyr. Solardyń biri – Shúlbi kentindegi burynǵy 60 páterli kópqabatty turǵyn úıdi qaıta jańǵyrtý jobasy. Jóndeý jumystary aıaqtalǵan soń turǵyn úı kezeginde turǵan azamattarǵa páter beriledi.
Qazir 2023-2029 jyldarǵa arnalǵan ınfraqurylymdy damytý tujyrymdamasy aıasynda Jańasemeı aýdanynda birneshe qurylys jobasy qolǵa alynǵan. Muqyr, Bókenshi aýyldary men Shaǵan kentinde eki páterli turǵyn úıdiń qurylysy júrgizilip jatyr.
Abaı oblysy