Naýryzdyń 21-25 kúnderi aralyǵynda «Býrabaı» ulttyq parkine kireberistegi baqylaý-ótkizý beketteri arqyly shamamen 40 myń adam jáne 11 910 avtokólik ótti. Bul 2024 jyldyń osy kezeńimen salystyrǵanda eki ese kóp, dep jazady Egemen.kz.
Turǵyndar men qonaqtar úshin bıyl 21 naýryzda merekelik sharalar Vızıt-ortalyq pen Qazaq Laplandııasynyń aýmaǵynda ótse, 22 naýryzda merekelik dýman kýrorttyń ortalyq alańynda jalǵasqan.
Týrıster úshin eń tanymal oryndar qatarynda Abylaı han alańy, Vızıt-ortalyq janyndaǵy zoobaq, Mýltımedııalyq ınteraktıvti keshen jáne Buǵy sharýashylyǵy bar.
Kóktem – Býrabaıda baıaý serýender jasap, kól jaǵasynda pıknık uıymdastyryp, kýrorttyń erekshe sulýlyǵyn tamashalaýǵa taptyrmas maýsym.
Aıta ketsek, 2024 jyly «Býrabaı» ulttyq parkine 1 mıllıonnan astam týrıst kelgen eken.