2015 jylǵy 16 sáýir, Astana qalasy
Qazaqstan Respýblıkasynyń prokýratýra organdaryna, vedomstvolaryna jáne mekemelerine kelisimshart boıynsha áskerı qyzmetke kirý úshin azamattar ishinen kandıdattardy irikteý jónindegi keıbir máseleleri týraly
«Prokýratýra týraly» Qazaqstan Respýblıkasy Zańynyń 11 babynyń 4) tarmaqshasyn, «Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasy Zańynyń 38, 40 baptaryn basshylyqqa ala otyryp, Qazaqstan Respýblıkasy Prezıdentiniń 2006 jylǵy 25 mamyrdaǵy №124 Jarlyǵymen bekitilgen Qazaqstan Respýblıkasynyń Qarýly Kúshterinde, basqa da áskerleri men áskerı quralymdarynda áskerı qyzmet ótkerý qaǵıdasynyń 22, 27 tarmaqtaryn iske asyrý maqsatynda, buıyramyn:
1. Mynalar:
1) Osy buıryqqa 1-qosymshaǵa sáıkes Qazaqstan Respýblıkasy prokýratýrasynyń organdaryna, vedomstvolaryna jáne mekemelerine kelisimshart boıynsha áskerı qyzmetke kirý úshin azamattar ishinen kandıdattardyń – ótinishteri men qujattaryn qaraý qaǵıdalary;
2) Osy buıryqqa 2-qosymshaǵa sáıkes Qazaqstan Respýblıkasy prokýratýrasynyń organdaryna, vedomstvolaryna jáne mekemelerine kelisimshart boıynsha áskerı qyzmetke kirý úshin azamattar ishinen kandıdattardy kásibı jáne psıhologııalyq irikteý boıynsha is-sharalardy júrgizý, irikteý komıssııasynyń qurylýy men qyzmetiniń qaǵıdalary bekitilsin.
2. Qazaqstan Respýblıkasy Bas prokýratýrasynyń Kadr jumysy departamenti:
1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi;
2) osy buıryq Qazaqstan Respýblıkasynyń Ádilet mınıstrliginde memlekettik tirkeýden ótkennen keıin on kúntizbelik kún ishinde resmı jarııalaýdy;
3) Qazaqstan Respýblıkasynyń ınternet-resýrstaryna ornalastyrýdy;
4) osy buıryqty Qazaqstan Respýblıkasynyń prokýratýra organdary, vedomstvolary jáne mekemeleriniń qyzmetkerlerine tanystyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Bas Prokýrorynyń birinshi orynbasaryna júktelsin.
4. Osy buıryq ony alǵash ret resmı jarııalaǵan kúnnen keıingi kúntizbelik on kúnniń ótýi boıynsha qoldanysqa engiziledi.
Qazaqstan Respýblıkasynyń Bas Prokýrory A.DAÝYLBAEV.
«KELISILGEN»
Qazaqstan Respýblıkasynyń Qorǵanys mınıstri
____________________I.TASMAǴAMBETOV.
23 sáýir 2015 jyl
Qazaqstan Respýblıkasy Bas Prokýrorynyń 2015 jylǵy 16 sáýirindegi №57 buıryǵyna
1-qosymsha
Qazaqstan Respýblıkasy prokýratýrasynyń organdaryna, vedomstvolaryna jáne
mekemelerine kelisimshart boıynsha áskerı qyzmetke kirý úshin azamattar ishinen
kandıdattardyń ótinishteri men qujattaryn qaraý
Qaǵıdalary
1. Osy Qaǵıdalar Qazaqstan Respýblıkasy prokýratýrasynyń organdaryna, vedomstvolaryna jáne mekemelerine kelisimshart boıynsha áskerı qyzmetke kirý úshin azamattar ishinen kandıdattardyń ótinishteri men qujattaryn qaraý tártibin retteıdi (budan ári – Qaǵıdalar).
2. Qazaqstan Respýblıkasy prokýratýrasynyń organdaryna, vedomstvolaryna jáne mekemelerine (budan ári – prokýratýra organdary) kelisimshart boıynsha áskerı qyzmetke kirýge nıet bildirgen azamattar osy Qaǵıdanyń 1-qosymshasyna sáıkes nysanda jazbasha túrde ótinish (budan ári – -ótinish):
1) Qazaqstan Respýblıkasynyń Bas Prokýrory (budan ári – Bas Prokýror) taǵaıyndaıtyn áskerı laýazymǵa qabyldaný jaǵdaıynda – Qazaqstan Respýblıkasynyń Bas prokýratýrasyna (budan ári – Bas prokýratýra);
2) Bas áskerı prokýror taǵaıyndaıtyn jaǵdaıda – Bas áskerı prokýratýrasyna usynylady.
3. Azamat ótinishpen birge Qazaqstan Respýblıkasy Prezıdentiniń 2006 jylǵy 25 mamyrdaǵy №124 Jarlyǵymen bekitilgen Qazaqstan Respýblıkasynyń Qarýly Kúshterinde, basqa da áskerleri men áskerı quralymdarynda áskerı qyzmet ótkerý Erejeleriniń 21-tarmaǵynda kórsetilgen qujattardy teztikpege salyp usynady jáne onda qosa berilgen qujattardyń tizbesin kórsetedi.
Azamattar ózderiniń bilimine, jumys tájirıbesine, kásibı deńgeıine qatysty qosymsha aqparatty usyna alady.
Buǵan deıin áskerı qyzmetti ótkermegen, joǵary oqý ornynyń áskerı kafedrasynda oqymaǵan azamattar, áıelderdi qospaǵanda Qazaqstan Respýblıkasy Qorǵanys mınıstrliginiń arnaıy bilim berý uıymynda áskerı daıyndyqtan ótkenin rastaıtyn qujatty usynady.
4. О́tinish prokýratýra organdarynda jeke jáne zańdy tulǵalardyń ótinishterin qaraý tártibi týraly Qazaqstan Respýblıkasynyń zańnamasyna sáıkes tirkeledi.
5. О́tinishi tirkelgen jáne qaraýǵa qabyldanǵan azamat prokýratýra organdaryna kelisimshart boıynsha áskerı qyzmetke kirýshi kandıdat bolyp tabylady (budan ári – kandıdat).
6. Prokýratýra organynyń kadr jumysy bólimshesi ótinish túsken kúnnen bastap bes jumys kúni ishinde kandıdattar usynǵan qujattardyń «Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasy Zańynyń 38-babynda belgilengen talaptarǵa sáıkestigin qaraıdy jáne zertteıdi.
7. Kandıdattyń qujattaryn tekserý qorytyndysy boıynsha tıisti prokýratýra organynyń basshysy prokýratýra organdaryna kelisimshart boıynsha qyzmetke kirý úshin kandıdatty irikteýge jiberý nemese jiberýden bas tartý týraly sheshim qabyldaıdy, bul týraly kandıdatqa tıisti sheshim qabyldanǵan kúnnen bastap bes jumys kúni ishinde habarlanady.
Qazaqstan Respýblıkasy Bas Prokýrorynyń 2015 jylǵy 16 sáýirdegi № 57 buıryǵyna
2-qosymsha
Qazaqstan Respýblıkasy prokýratýrasynyń organdaryna, vedomstvolaryna jáne mekemelerine kelisimshart boıynsha áskerı qyzmetke kirý úshin azamattar ishinen kandıdattardy kásibı jáne psıhologııalyq irikteý boıynsha is-sharalardy júrgizý, irikteý komıssııasynyń qurylýy men qyzmetiniń
Qaǵıdalary
1. Jalpy erejeler
1. Osy Qaǵıdalar Qazaqstan Respýblıkasynyń «Prokýratýra týraly» 1995 jylǵy 21 jeltoqsandaǵy, «Áskerı qyzmet jáne áskerı qyzmetshilerdiń mártebesi týraly» 2012 jylǵy 16 aqpandaǵy zańdaryna (budan ári - Zań), Qazaqstan Respýblıkasy Prezıdentiniń 2006 jylǵy 25 mamyrdaǵy №124 Jarlyǵymen bekitilgen Qazaqstan Respýblıkasynyń Qarýly Kúshterinde, basqa da áskerleri men áskerı quralymdarynda áskerı qyzmet ótkerý Erejesine sáıkes ázirlendi (budan ári – áskerı qyzmet ótkerý Erejesi).
2. Prokýratýra organdaryna, vedomstvolaryna jáne mekemelerine (budan ári – prokýratýra organdary) kelisimshart boıynsha azamattardy áskerı qyzmetke qabyldaý Zańnyń 21-babynyń 2-tarmaǵyna sáıkes bekitilgen Qazaqstan Respýblıkasynyń Qarýly Kúshterinde, basqa da áskerleri men áskerı quralymdarynda áskerı laýazymdar jáne olarǵa sáıkes áskerı ataqtar Tizbesiniń negizinde bos laýazymǵa irikteý tártibinde iske asyrylady.
3. Kandıdattardy irikteý boıynsha prokýratýra organdarynyń qyzmeti ashyq jáne jarııaly túrde iske asyrylady.
4. Prokýratýra organdaryna kelisimshart boıynsha áskerı qyzmetke kirý úshin azamattar ishinen kandıdattardy irikteýdi irikteý komıssııasy (budan ári - komıssııa) júrgizedi jáne kelesi prokýratýralardyń kadr jumysy bólimsheleri (budan ári – kadr jumysynyń bólimsheleri):
1) Qazaqstan Respýblıkasynyń Bas prokýratýrasy (budan ári – Bas prokýratýra) – Qazaqstan Respýblıkasynyń Bas Prokýrory (budan ári – Bas Prokýror) taǵaıyndaıtyn áskerı laýazymdar boıynsha;
2) Bas áskerı prokýratýra – Bas áskerı prokýror taǵaıyndaıtyn áskerı laýazymdar boıynsha qamtamasyz etedi.
5. Kandıdattardy irikteýge qatysty shyǵyndar (áńgimelesý, testileý, taǵylymdama, kýálandyrýdan ótetin jerge barý jáne keri qaıtý, turǵyn úıdi jaldaý, turý, baılanys qyzmetiniń barlyq túrlerin qoldaný jáne basqa da shyǵystar) azamattardyń óz qarajattary esebinen tólenedi.
2. Irikteý komıssııasynyń qurylýy men qyzmeti
6. Kandıdattyń qujattaryn (jeke isin) qarastyrý maqsatynda irikteý komıssııasy qurylady (budan ári – komıssııa).
Komıssııa alqaly organ bolyp tabylady jáne prokýratýra organdaryndaǵy bos áskerı laýazymdarǵa kandıdattardy irikteýdi júzege asyrady.
7. Komıssııanyń quramy Bas prokýratýrada Bas Prokýrordyń, Bas áskerı prokýratýrada Bas áskerı prokýrordyń buıryqtarymen bekitiledi.
Komıssııanyń quramyna tóraǵa, onyń orynbasary jáne besten kem emes komıssııa músheleri kiredi.
Prokýratýra organy basshysynyń sheshimi boıynsha onyń orynbasarlarynyń bireýi irikteý komıssııasynyń tóraǵasy bolyp taǵaıyndalady. Komıssııanyń quramyna prokýratýra organy bólimsheleriniń basshylary, kadr jumysy jáne ishki qaýipsizdikti qamtamasyz etý bólimsheleriniń ókilderi kiredi.
Komıssııa jumysynyń oryndalýyn kadr jumys bólimshesiniń qyzmetkerleri arasynan taǵaıyndalǵan hatshy qamtamasyz etedi.
8. Komıssııanyń tóraǵasy komıssııany basqarady, onyń jumysyn úılestiredi, komıssııa músheleriniń arasynda mindetterdi bóledi, kún tártibin, otyrystyń ótkizilý orny men ýaqytyn belgileıdi, irikteýge keletin kandıdattardyń tizimin bekitedi.
9. Komıssııa tóraǵasynyń orynbasary komıssııa otyrystaryn daıyndaý men ótkizýge baqylaý júrgizedi, tóraǵa bolmaǵan jaǵdaıda onyń mindetterin atqarady.
10) Komıssııa músheleri:
1) quzyretterine kiretin suraqtardy qarastyrýda beıtarap jáne ádil bolýdy;
2) ózderine júktelgen ókilettikterdi oryndaýǵa baılanysty belgili bolǵan kandıdattar týraly jeke derekter men basqa da aqparattarǵa qatysty qupııalylyqty, sondaı-aq daýys berý qupııasyn saqtaýdy;
3) sheshim qabyldanyp jatqan kandıdattyń irikteý málimetterin qarastyrý barysynda, eger ol komıssııa múshesiniń jaqyn týysy nemese jekjaty bolsa, ózdiginen bas tartýdy;
4) hattamalyq sheshimderge óz qolyn qoıýdy, komıssııa qyzmetine qatysty tóraǵanyń tapsyrmalaryn oryndaýdy qamtamasyz etedi.
11. Komıssııanyń hatshysy:
1) irikteý komıssııasynyń qaraýyna túsken kandıdattardyń qujattarymen jumys júrgizýdi uıymdastyrady, olar týraly tóraǵaǵa baıandaıdy, komıssııa múshelerin qujattarmen tanystyrady;
2) komıssııa múshelerine otyrystyń ótkizilý orny men ýaqyty týraly habarlaıdy;
3) kandıdattardy komıssııanyń otyrysyna jáne áńgimelesýge shaqyrýdy qamtamasyz etedi;
4) komıssııanyń is-qaǵazdaryn júrgizedi, otyrystyń hattamasyn daıyndaıdy, komıssııa qabyldaǵan sheshimderge óz qolyn qoıady, sondaı-aq komıssııa sheshiminiń oryndalýyn baqylaıdy;
5) komıssııanyń qyzmetine qatysty tóraǵanyń tapsyrmalaryn oryndaıdy.
12. Prokýratýra organynyń ishki qaýipsizdigin qamtamasyz etý bólimshesi kandıdatqa qatysty prokýratýra organdaryna kelisimshart boıynsha áskerı qyzmetke alýǵa kedergilerdiń bar-joqtyǵy týraly anyqtamany komıssııa otyrysyna usynady.
13. Komıssııa quramynyń úshten eki bóligi qatysqan jaǵdaıda, komıssııa otyrysy zańdy bolyp esepteledi. Irikteý komıssııasynyń joq músheleriniń ornyn ýaqytsha aýystyrýǵa ruqsat etilmeıdi.
Komıssııa músheleri kún tártibimen komıssııanyń otyrysy bastalǵanǵa deıin úsh kún buryn tanysady.
Komıssııanyń jumysyna qatysý úshin kandıdattardy irikteý júrgizilip jatqan, bos laýazymdary bar bólimshelerdiń basshylary shaqyrylýy múmkin, olardyń pikirleri usynymdyq sıpatta bolady.
14. Kandıdattyń prokýratýra organdarynda kelisimshart boıynsha áskerı qyzmetti ótkerý úshin psıhologııalyq jaramdylyq deńgeıin anyqtaýdyń nátıjeleri men mindetti arnaıy tekseris qorytyndylary daıyn bolǵan jaǵdaıda komıssııanyń qorytyndy otyrysy ótkiziledi.
15. Komıssııa otyrysy kelesi tártip boıynsha ótkiziledi:
1) komıssııa tóraǵasynyń otyrysty ashyq dep jarııalaýy;
2) komıssııa hatshysynyń otyrystyń kún tártibi men kandıdattyń bilim deńgeıin, áskerı laýazymnyń áskerı-eseptik mamandyǵyn, onyń talaptarǵa sáıkes dene shynyqtyrý daıarlyǵyn, qyzmetke qajetti kásibı jaramdylyǵyn tekserýdiń nátıjelerin jarııalaýy;
3) kandıdatpen áńgimelesý;
4) komıssııa músheleriniń pikirlerin tyńdaý;
5) daýys berý men sheshim qabyldaý;
6) kandıdatqa qabyldanǵan sheshim týraly habarlaý.
Áńgimelesý ár kandıdatpen jeke túrde ótkiziledi jáne tehnıkalyq qural-jabdyqtar arqyly jazylady, bul týraly kandıdatqa aldyn-ala habarlanady.
Komıssııa músheleriniń talqylaýlary men daýys berýleri bógde tulǵalardyń qatysýynsyz júzege asyrylady.
16. Komıssııa sheshimi oǵan qatysqan músheleriniń kópshiliginiń daýsymen qabyldanady. Daýystar teń bolǵan kezde komıssııa tóraǵasynyń daýysy sheshýshi bolyp tabylady.
Komıssııanyń sheshimi hattamamen resimdeledi.
Komıssııa hatshysynyń daýys berýge qatysýǵa quqyǵy joq.
17. Otyrystyń qorytyndysy boıynsha komıssııa kelesi sheshimderdiń birin qabyldaıdy:
1) kelisimshart boıynsha áskerı qyzmetke kirýge usyný jáne laýazymǵa taǵaıyndaý;
2) kelisimshart boıynsha áskerı qyzmetke kirý úshin rezervke engizýge usyný;
3) kelisimshart boıynsha áskerı qyzmetke kirýden bas tartý.
Komıssııa otyrysynyń qorytyndysy boıynsha tóraǵa qabyldanǵan sheshim týraly árbir kandıdatqa habarlaıdy.
18. Kelisimshart boıynsha áskerı qyzmetke kirý úshin rezervke engizýge irikteý komıssııasy usynǵan kandıdattar, tıisti áskerı-eseptik mamandyǵyna sáıkes áskerı laýazymnyń sanaty boıynsha alynady.
19. Rezervke engizý týraly komıssııanyń usynymdary árbir bos laýazym úshin úsheýden aspaıtyn kandıdatqa qatysty shyǵarylady.
20. Rezervke engizý irikteý komıssııasy sheshim shyǵarǵan kúnnen bastap bes jumys kúninen keshiktirmeı prokýratýra organy basshysynyń buıryǵymen júrgiziledi.
21. Kelisimshart boıynsha áskerı qyzmetke kirý úshin kandıdattardyń rezervte turý merzimi, ol engizilgen kúnnen bastap bir jyl.
22. Komıssııa otyrysyna dáleldi sebeptermen (aýyryp qalǵan jaǵdaıda, otbasy nemese basqa jaǵdaılarǵa baılanysty) kelmegen kandıdatpen áńgimelesý kelesi otyrysta ótkiziledi.
Kandıdattyń dáleldi sebepsiz qorytyndy otyrysqa kelmeýi prokýratýra organdaryna kelisimshart boıynsha áskerı qyzmetke qabyldaýdan bas tartýǵa negiz bolyp tabylady.
23. Sheshim erkin nysanda hattama túrinde resimdeledi jáne oǵan tóraǵa, komıssııanyń músheleri men hatshysy qol qoıady.
Otyrystyń hattamasynda árbir kandıdatqa qatysty sheshim kórsetiledi. Komıssııa múshesinde erekshe pikir bolǵan jaǵdaıda, ol mindetti túrde jazbasha kórsetiledi jáne otyrys hattamasyna qosa tirkeledi.
3. Prokýratýra organdaryna kelisimshart boıynsha áskerı qyzmetke kirý úshin azamattar ishinen kandıdattardy kásibı jáne psıhologııalyq irikteý jónindegi sharalar
24. Prokýratýra organdaryna kelisimshart boıynsha áskerı qyzmetke kirý úshin azamattar ishinen kandıdattardy irikteý áskerı laýazymǵa sáıkes áskerı-eseptik mamandyq boıynsha bos oryn paıda bolýyna qaraı jylyna keminde bir ret ótkiziledi jáne kelesi tártipte iske asyrylady:
1) medısınalyq kýálandyrýdan ótý;
2) dene shynyqtyrý daıarlyǵynyń deńgeıine sáıkestikti anyqtaý;
3) kásibı daıarlyq deńgeıin jáne áskerı laýazymǵa taǵaıyndaý úshin qaralyp otyrǵan áskerı-eseptik mamandyqqa (bilimge) sáıkestikti anyqtaý;
4) psıhologııalyq jaramdylyqqa tekseristen ótý.
25. Kadr jumysynyń bólimsheleri prokýratýra organdaryna kelisimshart boıynsha áskerı qyzmetke kirý úshin azamattar ishinen kandıdattardy irikteý kezinde áskerı esep, medısınalyq kýálandyrý, psıhologııalyq daıarlyqqa tekserý máseleleri boıynsha jergilikti áskerı basqarý organdarymen ózara árekettesedi (budan ári – JÁBO).
26. Kandıdatty irikteýge jibergen jaǵdaıda, kadr qyzmeti bólimshesi úsh jumys kúni ishinde osy Qaǵıdanyń 1-qosymshasyna sáıkes nysan boıynsha, áskerı esepke alyný (tirkelý) orny boıynsha JÁBO-ǵa kandıdatqa joldama beredi, kandıdattyń qujattaryn mindetti arnaıy tekseris júrgizý úshin ulttyq qaýipsizdik organdaryna jiberedi.
Prokýratýra organdaryna kelisimshart boıynsha áskerı qyzmetke qabyldanýshy kandıdattarǵa JÁBO-ǵa joldamalardy berý osy Qaǵıdanyń 2-qosymshasyna sáıkes Esepke alý jáne berý jýrnalyndaǵy (budan ári - Jýrnal) jazba negizinde júzege asyrylady.
Jýrnal nómirlengen, baýmen baılanǵan, mór basylǵan jáne kadr jumysynyń bólimshesiniń basshysy qol qoıǵan bolýy tıis.
Kandıdatqa joldamany berý kezinde, qurylymdyq bólimshe ındeksinen, Jýrnaldyń rettik nómirinen jáne ony bergen jyldyń sońǵy eki sanymen qosa nómir beriledi (mysaly, 6/1-14).
Jýrnal prokýratýra organynyń muraǵatynda saqtalady jáne isterdiń bekitilgen nomenklatýrasy boıynsha belgilengen merzim aıaqtalǵannan keıin joıylýǵa jatady.
27. Áskerı qyzmet ótkerý Qaǵıdalarynyń 21-tarmaǵynda kórsetilgen kandıdatpen usynylǵan qujattar jáne kadr jumysy bólimshesiniń joldamasy negizinde JÁBO:
1) kandıdattyń jeke isin rásimdeıdi;
2) medısınalyq kýálandyrýdy uıymdastyrady;
3) psıhologııalyq jaramdylyqqa tekserý júrgizedi.
28. Kandıdatty medısınalyq kýálandyrý Halyq densaýlyǵy jáne densaýlyq saqtaý júıesi týraly Kodekstiń 8-babynyń 12) tarmaqshasyna sáıkes júzege asyrylady.
29. JÁBO-nyń medısınalyq kýálandyrý qorytyndylary kandıdattyń jeke isine qosylady jáne bes jumys kúni ishinde joldama bergen prokýratýra organynyń kadr jumysy bólimshesine jiberiledi.
30. Áskerı qyzmetti ótkerýge densaýlyq jaǵdaıy boıynsha jaramdy dep tanylǵan kandıdat, JÁBO-dan jeke isin kadr jumysy bólimshesi alǵannan keıin on bes jumys kúni ishinde dene shynyqtyrý daıarlyǵy boıynsha tekserýden ótedi.
Dene shynyqtyrý daıarlyǵyn tekserýdi ótkizý orny men ýaqyty týraly kandıdatqa kadr jumysy bólimshesi, ol bastalǵanǵa deıin bes jumys kúni buryn habarlaıdy.
31. Kandıdattyń dene shynyqtyrý daıarlyǵyn tekserý kadr jumysy bólimshesine júkteledi jáne dene shynyqtyrý daıarlyǵy boıynsha ýákiletti laýazymdy tulǵanyń (nusqaýshy) jáne irikteý komıssııasynyń kem degende úsh múshesiniń qatysýymen júrgiziledi.
32. Dene shynyqtyrý daıarlyǵynyń jaǵdaıyn tekserý prokýratýra organdaryna áskerı qyzmetke kelisimshart boıynsha qabyldanatyn kandıdattardyń jas erekshelik toby eskerilip, osy Qaǵıdalardyń 3-qosymshasyna sáıkes dene shynyqtyrý daıarlyǵy boıynsha júzege asyrylady.
Kandıdattyń dene shynyqtyrý daıarlyǵyn tekserý prokýratýra organdaryna kelisimshart boıynsha áskerı qyzmetke qabyldanatyn kandıdattar (er, áıel) úshin dene shynyqtyrý daıarlyǵyn baǵalaý boıynsha baqylaý normatıvterine sáıkes kúshtik, jyldamdyq jáne shydamdylyq deıgeılerin anyqtaýdan jáne prokýratýra organdaryna kelisimshart boıynsha áskerı qyzmetke qabyldanatyn kandıdattardyń dene shynyqtyrý jattyǵýlaryn osy Qaǵıdalardyń 4 jáne 5-qosymshalaryna sáıkes oryndaý jaǵdaıynan turady.
33. Prokýratýra organdaryna kelisimshart boıynsha áskerı qyzmetke qabyldanatyn kandıdattardyń dene shynyqtyrý daıarlyǵy boıynsha nátıjeleri men baǵalary baqylaý normatıvterin tapsyrý tizimdemesinde (budan ári – tizimdeme) osy Qaǵıdalardyń 6-qosymshasyna sáıkes kórsetiledi.
Tekseriske belgilengen barlyq jattyǵýlardy kandıdat bir jumys kúni ishinde oryndaıdy jáne tehnıkalyq jazba quraldary kómegimen belgilenip otyrady, bul týraly kandıdatqa eskertiledi.
34. Jattyǵýdy jasaý úshin bir múmkindik beriledi, al jekelegen jaǵdaılarda (úzilip ketse, qulap qalsa) kandıdatqa jattyǵýdy qaıta jasaýǵa ruqsat etiledi. Alynǵan baǵany jaqsartý maqsatynda jattyǵýlardy jasaýǵa jol berilmeıdi.
Tekseris barysynda jattyǵýlar kelesi retpen oryndalady: jyldamdyqqa arnalǵan jattyǵýlar, kúsh jumsap oryndalatyn jattyǵýlar, shydamdylyqty synaýǵa arnalǵan jattyǵýlar.
Kandıdattyń dáleldi sebeptersiz jattyǵýdy jasaýdan bas tartýy «qanaǵattanarlyqsyz» dep baǵalanady.
Kandıdat ýaqytsha eńbekke jaramsyzdyq týraly anyqtama nemese paraqsha arqyly rastalǵan jaraqat nemese naýqastyǵyna baılanysty jattyǵýdy oryndaý múmkin bolmaıtyn jaǵdaıda, nusqaýshy onyń ornyna basqa jattyǵýdy usynady.
Tekserýge dáleldi sebeptersiz kelmegen kandıdat nemese tekserý ornyna ol aıaqtalǵannan keıin kelgen kandıdat «qanaǵattanarlyqsyz» dep baǵalanady.
Kandıdattyń dene shynyqtyrý daıarlyǵy deńgeıiniń jalpy baǵasy onyń úsh normatıv – kúshtik, jyldamdyq jáne shydamdylyq deńgeıi boıynsha oryndaǵan baǵalarynyń qosyndysynan turady jáne ol kelesideı anyqtalady:
1) «óte jaqsy» – eki «óte jaqsy» jáne bir «jaqsy» degen baǵalar bolǵan jaǵdaıda;
2) «jaqsy» – eki «jaqsy» jáne bir «qanaǵattanarlyq» degen baǵalar bolǵan jaǵdaıda;
3) «qanaǵattanarlyq» – eger bir «qanaǵattanarlyqsyz» baǵasy bolǵan jaǵdaıda, «qanaǵattanarlyq» degen eki baǵaǵa ruqsat etiledi.
Dene shynyqtyrý daıarlyǵy boıynsha nátıjeler men baǵalar kandıdattardyń qoldaryn qoıý arqyly tanysatyn tizimdemede kórsetiledi. Kandıdattyń qoly qoıylǵan tizimdeme onyń jeke isine tirkeledi.
35. Kandıdat dene shynyqtyrý daıarlyǵy boıynsha qoıylatyn talaptarǵa sáıkes kelgen jaǵdaıda, onyń kásibı daıyndyq deńgeıi jáne qarastyrylyp otyrǵan áskerı laýazymǵa taǵaıyndaý úshin onyń áskerı-eseptik mamandyǵyna (bilimge) sáıkestigi anyqtalady, ol mynadaı is-sharalar júrgizýdi qamtıdy:
1) Qazaqstan Respýblıkasy zańnamasy týraly bilimin kompıýterlik testileý jáne logıkalyq oılaý (budan ári – testileý);
2) taǵylymdama.
36. Qatardaǵy, serjanttyq jáne ofıserlik quramdardyń áskerı laýazymdaryna taǵaıyndaý úshin qarastyrylatyn kandıdattardy testileýdi Bas prokýratýra osy Qaǵıdalardyń 7-qosymshasyna sáıkes kompıýterlik testileý baǵdarlamasyna saı zańnamanyń ózgerý jaǵdaıyna baılanysty merzimdi túrde jańartylyp otyratyn, arnaıy ázirlengen suraqtar boıynsha kandıdattyń qalaýymen qazaq nemese orys tilderinde «on-laın» rejıminde nemese Bas prokýratýranyń kompıýterlik testileý zalynda júrgizilýi múmkin.
37. Kadr jumysy bólimshesi dene shynyqtyrý daıarlyǵyn tekserýdiń nátıjelerin alǵannan keıin on jumys kúni ishinde testileýge jiberiletin kandıdattardyń tizimin rásimdeıdi jáne ol testileýdiń orny men ýaqytyn kelisý úshin Bas prokýratýraǵa joldaıdy.
Tizimde kelesi málimetter kórsetiledi: kandıdattyń tegi, aty, ákesiniń aty (bar bolǵan jaǵdaıda), jeke sáıkestendirý nómiri (JSN), Qazaqstan Respýblıkasy azamatynyń jeke kýáliginiń (Qazaqstan Respýblıkasy azamatynyń tólqujaty) nómiri men berilgen kúni, laýazymdyq sanatynyń quramy, testileýdi ótkizý orny.
Bas prokýratýranyń kadr jumysy bólimshesi kandıdattarǵa arnap logınder men qupııasózder jasaqtaıdy, testileýdi ótkizý kestesin daıyndaıdy, osydan keıin osy málimetter prokýratýra organdarynyń kadr jumysy bólimshelerine joldanady.
Testileý ótetin kún, ýaqyt jáne oryn týraly testileý bastalǵanǵa deıin, keminde bes jumys kúni buryn kadr jumysy bólimshesi kandıdattarǵa habarlaıdy.
38. Testileýdi júrgizý obektıvtiligi sharttardyń standarttyǵy, ýaqyty, avtomattyq eseptelýi men testilerdiń mazmunymen qamtamasyz etiledi. Testileý prosesi aýdıo-beıne hattama jasaý men tehnıkalyq baılanys quraldaryn qoldaný arqyly júrgiziledi, ol týraly kandıdatqa eskertiledi.
JSN bar, Qazaqstan Respýblıkasy azamatynyń jeke kýáligin ózimen birge ákelgen kandıdat testileýge jiberiledi.
Testileý ýaqytynda kandıdattarǵa basqa kandıdattarmen sóılesýge, materıaldar almasýǵa, qaǵaz jáne elektrondy tasymaldaǵyshtardaǵy aqparattardy (sonyń ishinde uıaly telefondardy, qalta derbes kompıýterlerin jáne basqa da elektrondy qurylǵylardy) paıdalanýǵa, testileý aıaqtalǵanǵa deıin bólmeden shyǵýǵa tyıym salynady.
Kandıdat testileýge dáleldi sebeptermen kelmegen jaǵdaıda, sonymen birge testileý ýaqytynda ózin jaısyz sezingen jaǵdaıda, bul týraly aldyn-ala testileý ótkizýdiń bastalýyna deıin kadr jumysy bólimshesiniń ókiline habarlanady, osyndaı tulǵalardyń testilenýi osy kún ishinde basqa ýaqytta nemese testileý kestesine sáıkes anyqtalatyn basqa kúni júrgiziledi.
Osy tarmaqtyń talaptaryn buzǵan kandıdat, sonymen birge testileýge dálelsiz sebeptermen kelmegen kandıdat qaıta testileýge alty aı merzim ótkennen keıin ǵana jiberiledi.
39. Ofıserlik quramdaǵy laýazymdarǵa nıet bildirgen kandıdattar úshin testileý baǵdarlamasy boıynsha testilerdi oryndaýǵa beriletin ýaqyt 90 mınýtty (120 suraqtar), qatardaǵy jáne serjanttyq quramdar – 90 mınýtty (90 suraqtar) quraıdy.
Test boıynsha ótý máni testileý baǵdarlamasynda kórsetilgen normatıvtik quqyqtyq aktiler boıynsha durys jaýaptardyń sany jalpy suraqtardyń sanynan 70% kem bolmaýy kerek.
Osy oraıda, Qazaqstan Respýblıkasynyń Konstıtýsııasy, «Prokýratýra týraly», «Sybaılas jemqorlyqqa qarsy kúres týraly» Qazaqstan Respýblıkasynyń zańdaryna, Qazaqstan Respýblıkasy Prezıdentiniń 2005 jylǵy 3 mamyrdaǵy №1567 Jarlyǵymen bekitilgen Qazaqstan Respýblıkasynyń memlekettik qyzmetshileriniń ar-namys kodeksi boıynsha (memlekettik qyzmetshilerdiń qyzmet etıkasy erejeleri) (budan ári – ar-namys kodeksi) durys jaýaptar sany árbir normatıvtik quqyqtyq aktiniń 70% kem bolmaýy kerek.
40. Testileý aıaqtalǵannan keıin kadr jumysy bólimshesiniń ókili kandıdatqa testileýdiń nátıjelerin qol qoıý arqyly tanystyrady. Kandıdattyń qoly qoıylǵan testileý nátıjeleriniń bir danasy onyń jeke isine tirkeledi.
О́tý máninen kem emes baǵa alǵan kandıdattyń testileý nátıjeleri testileý ótken kúnnen bastap bir jyl ishinde jaramdy bolyp esepteledi.
Kandıdat testileýden ótý máninen tómen baǵa alǵan jaǵdaıda, ol aldaǵy testileý kúninen bastap úsh aı ótkennen keıin testileýden qaıta ótýge quqyly.
41. Densaýlyq jaǵdaıy boıynsha prokýratýra organdarynda áskerı qyzmetten ótýge jáne dene shynyqtyrý daıarlyǵy boıynsha tıisti talaptarǵa jaramdy dep tanylǵan, kompıýterlik testileý nátıjesinde ótý máninen kem emes baǵa alǵan jáne prokýratýra organdaryna áskerı qyzmetke kirý úshin esh kedergilerdiń joqtyǵy týraly mindetti arnaıy tekseristiń qorytyndysyn alǵan kandıdat testileý kúninen bastap bes jumys kúni ishinde taǵylymdamadan ótýge joldanady.
Kadr jumysy bólimshesi taǵylymdamanyń orny men jetekshisin belgileıdi.
42. Taǵylymdamadan ótý merzimi:
1) ofıserlik quramdaǵy laýazymdarǵa kandıdattar úshin – bir aı;
2) qatardaǵy jáne serjanttyq quramdaǵy laýazymdarǵa kandıdattar úshin – on jumys kúni;
3) buǵan deıin quqyq qorǵaý jáne arnaıy memlekettik organdarda aǵa jáne orta basshy quramnyń laýazymdarynda qyzmet atqarǵan, synyptyq shenderge, áskerı nemese arnaıy ataqtarǵa ıe jáne (nemese) áskerı ataqtary bar ofıserlik quramdaǵy áskerı laýazymdarda kelisimshart boıynsha áskerı qyzmet atqarǵan kandıdattar úshin – on jumys kúni bolady.
43. Taǵylymdamanyń jetekshisi:
1) Osy Qaǵıdalardyń 8-qosymshasyna sáıkes kandıdatty taǵylymdamadan ótkizýdiń Úlgilik jospary boıynsha taǵylymdamanyń jeke josparyn daıyndap, bekitedi;
2) kandıdatty onyń fýnksıonaldyq mindetteri men prokýratýra organy qyzmetiniń uıymdastyrylýymen tanystyrady;
3) taǵylymdamanyń jeke josparymen qarastyrylǵan máselelerdi zertteýde qajetti ádistemelik jáne tájirıbelik kómek kórsetedi;
4) taǵylymdamanyń jeke josparynyń merzimdi oryndalýyn qadaǵalaıdy.
44. Kandıdat taǵylymdama barysynda:
1) taǵylymdamanyń jeke josparynda kórsetilgen is-sharalardy belgilengen merzimde oryndaıdy;
2) belgilengen kún tártibi men eńbek tártibin saqtaıdy;
3) oryndalǵan jumys esebin júrgizedi;
4) taǵylymdama barysynda alǵan aqparatty jarııa etpeıdi;
5) taǵylymdama jetekshisiniń tapsyrmalary sheginde áreket etedi, memlekettik qupııalarǵa ruqsatty talap etetin rejımdik nysandarda júrgiziletin ic-sharalardy, sondaı-aq onyń ómiri men densaýlyǵyna qaýip tóngen jaǵdaılardy qospaǵanda, barlyq prokýratýra organdarynda ótetin is-sharalarǵa qatysady;
6) qyzmettik múlik pen tehnıkalyq quraldarǵa uqypty qaraıdy;
7) kıinýde iskerlik stıldi ustanady.
45. Taǵylymdama merzimi aıaqtalǵannan keıin kandıdat taǵylymdamanyń jeke josparyn oryndaýdyń nátıjeleri baıandalatyn jazbasha esep daıyndaıdy. Esepke kandıdat daıyndaǵan jáne jetekshimen rastalǵan qujattardyń jobalary tirkeledi.
46. Taǵylymdama nátıjeleri boıynsha jetekshi kandıdatqa minezdeme jazady.
Minezdemede teorııalyq bilimi men tájirıbelik jumys daǵdylaryna baǵa berilip, kandıdattyń adamgershilik jáne iskerlik qasıetteri, onyń eńbek jáne oryndaýshylyq tártipke degen kózqarasy, sondaı-aq kandıdattyń jeke tulǵasyn sıpattaıtyn basqa da derekter kórsetiledi.
Taǵylymdama jetekshisi kandıdat taǵylymdamasynyń málimetterin (esep, sıpattama) kadr jumysy bólimshesine taǵylymdama aıaqtalǵannan keıin úsh kúnnen keshiktirmeı usynady.
47. Kandıdat taǵylymdamadan kelesi jaǵdaılarda ótpeıdi:
1) osy Qaǵıdalardyń 26-tarmaǵynda kózdelgen talaptardyń bireýi buzylsa;
2) taǵylymdamadan ótý ornynda dáleldi sebeptersiz bir jumys kúni ishinde úsh nemese odan da kóp saǵat boıy bolmasa.
Sonymen birge, taǵylymdama jetekshisi kandıdattyń taǵylymdamanyń jeke josparyn buzǵany týraly jazbasha baıanat daıyndaıdy. Ony tez arada kadr jumysy bólimshesine usynady.
Taǵylymdamanyń jeke josparyn buzý týraly baıanat jazylǵan kandıdat taǵylymdamadan qaıta ótýge jiberilmeıdi.
Kandıdat dáleldi sebeptermen kelmegen jaǵdaıda, taǵylymdamanyń merzimi ol bolmaǵan kúnderine uzartylady, biraq uzartylý merzimi on jumys kúninen aspaýy tıis. Kandıdat taǵylymdamadan ótý ornynda joǵaryda atalǵan merzimnen kóp ýaqyt bolmaǵan jaǵdaıda, taǵylymdama málimetteri kúshin joıyp, taǵylymdamadan qaıta ótý múmkindigi irikteý komıssııasynda qarastyrylady.
48. Kadr jumysy bólimshesi taǵylymdama málimetterin kandıdattyń jeke isine tirkeıdi.
49. Taǵylymdamanyń aıaqtalǵan kúninen bastap on jumys kúni ishinde kadr jumysy bólimshesi kandıdatty psıhologııalyq jaramdylyqqa tekserýden ótýge jiberedi.
Psıhologııalyq irikteýge qatysty is-sharalardy, kandıdattyń áskerı esep (tirkelý) orny boıynsha JÁBO-nyń psıhologııalyq qyzmetiniń tıisti mamany júrgizedi.
50. Psıhologııalyq irikteý barysynda kandıdattyń ıntellektýaldyq damý deńgeıi, áskerı qyzmetten ótý úshin psıhologııalyq jaramdylyǵy, aqyl-oıynyń oramdylyǵy men shapshańdyǵy, til tapqyshtyǵy men basqa qasıetteri baǵalanady.
Psıhologııalyq irikteý barysynda kelesi mindetter sheshiledi:
1) áleýmettik beıimdele almaý men júıke-psıhıkalyq turaqsyzdyqtyń belgilerin anyqtaý;
2) belgili bir laýazymdyq jáne qyzmettik quzyretterge sáıkes daǵdylardyń bar bolýyn jáne damý deńgeıin anyqtaý;
3) belgili bir laýazymdyq jáne qyzmettik quzyretterdi oryndaýǵa qajetti psıhıkalyq qasıetter men tulǵalyq sıpattamalardyń sáıkestilik dárejesin anyqtaý.
51. Psıhologııalyq irikteýdiń nátıjeleri boıynsha kandıdattyń kelisimshart boıynsha naqty áskerı laýazymdarynda áskerı qyzmet etýge jaramdylyǵy týraly tómendegi qorytyndylardyń bireýi jasalady:
1) «usynylady»;
2) «shartty túrde usynylady»;
3) «usynylmaıdy».
Kandıdat «shartty túrde usynylady» degen qorytyndyny alǵan jaǵdaıda, oǵan psıhologııalyq irikteýden qaıta ótýge múmkindik beriledi. Bul irikteýdiń nátıjeleri boıynsha osy tarmaqtyń 1) nemese 3) tarmaqshalarynda belgilengen qorytyndylardyń bireýi shyǵarylady.
Psıhologııalyq qaıta irikteýdiń ýaqytyn psıhologııalyq jaramdylyqqa tekserý júrgizgen maman belgileıdi.
Prokýratýra organdarynda kelisimshart boıynsha áskerı qyzmet ótkerý úshin psıhologııalyq jaramdylyq deńgeıin anyqtaýdyń nátıjeleri kandıdattyń jeke isine tirkeledi.
4. Qorytyndy erejeler
52. Komıssııanyń sheshimi joǵary turǵan prokýratýra organyna (joǵary turǵan laýazymdy tulǵaǵa) nemese sotqa shaǵymdalýy múmkin.
Komıssııa sheshimine shaǵym berý, bul másele máni boıynsha túpkilikti qaralǵanǵa deıin kandıdatqa qatysty qorytyndyny iske asyrýdy toqtata turady.
53. Kelisimshart boıynsha áskerı qyzmetke kirýge arnalǵan rezervten prokýratýra organdaryna áskerı qyzmetke qabyldaý, kadr jumysy jáne ishki qaýipsizdikti qamtamasyz etý bólimsheleriniń qorytyndysy negizinde, kelisimshart jasaý týraly jeke quram boıynsha buıryq shyǵarý jáne kandıdatty tıisti áskerı laýazymǵa taǵaıyndaý jolymen bos oryn paıda bolǵan jaǵdaıda júrgiziledi.
54. Kadr jumysy bólimshesi jeke quram boıynsha buıryq shyǵarǵannan keıin ony kandıdattyń áskerı esepke alý orny boıynsha JÁBO-ǵa jiberedi.
55. Kandıdattar kelesi negizderdiń biri boıynsha:
1) prokýratýra organdaryna kelisimshart boıynsha áskerı qyzmetke kirýden, sondaı-aq usynylǵan áskerı laýazymǵa taǵaıyndaýdan jazbasha túrde bas tartqan;
2) qyzmet ornyna joldama (uıǵarym) alý úshin kadr jumysy bólimshesiniń shaqyrtýy boıynsha bes kún ishinde dáleldi sebepsiz kelmegen;
3) Qazaqstan Respýblıkasynyń sheginen tys jerge turaqty turýǵa ketken;
4) basqa quqyq qorǵaý, áskerı jáne arnaıy organdarǵa qyzmetke kirgen;
5) prokýratýra organdaryna áskerı qyzmetke kirýge bóget jasaıtyn kandıdattardy tizimge qoıý týraly sheshim qabyldaǵan kezde bolmaǵan nemese osyǵan deıin belgisiz bolǵan qosymsha málimetter anyqtalǵan;
6) qasaqana quqyq buzýshylyq jasaǵany úshin sot tártibinde ákimshilik jaýapkershilikke, sybaılas jemqorlyq jáne basqa quqyq buzýshylyqtar, qylmys (teris qylyq) jasaǵany úshin tártiptik jáne ákimshilik jaýapkershilikke tartylǵan;
7) kelisimshart boıynsha áskerı qyzmetke kirý úshin rezervtegi bir jyl merzim aıaqtalǵan jaǵdaıda kelisimshart arqyly áskerı qyzmetke kirý úshin rezervten alynyp tastalady.
Osy tarmaqtyń 1), 2) jáne 7) tarmaqshalarynda kózdelgen negizderge sáıkes kelisimshart boıynsha áskerı qyzmetke kirý úshin rezervten alynyp tastalǵan kandıdat, prokýratýra organdaryna kelisimshart boıynsha qyzmetke qabyldaý úshin azamattardyń ishinen osy Qaǵıdalarda belgilengen jalpy negizde qaıta irikteýden ótedi.
Kelisimshart boıynsha áskerı qyzmetke kirý úshin rezervten alyp tastaý týraly kadr jumysy bólimshesi onyń negizderin kórsete otyryp, kandıdatqa habarlaıdy.
Qazaqstan Respýblıkasynyń prokýratýra organdaryna, vedomstvolaryna jáne mekemelerine kelisimshart boıynsha áskerı qyzmetke kirý úshin kandıdattardyń ótinishteri men qujattaryn qaraý Qaǵıdalaryna 1-qosymsha
nysan
(Kimge)_______________________________________________
prokýratýra organynyń (vedomstvonyń, mekemeniń) basshysy
___________________________________________________
(Kimnen)_____________________________________________
azamattyń tegi, aty, ákesiniń aty (bar bolǵan jaǵdaıda)
___________________________________________________
týǵan kúni, aıy, jyly
_____________________________________
turǵylyqty jeri
О́tinish
«Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasynyń 40-babyna sáıkes Qazaqstan Respýblıkasynyń prokýratýra organdaryna (vedomstvolaryna, mekemelerine) kelisimshart boıynsha ___________ jylǵa (ýaqytqa) áskerı qyzmetke kirý jáne bos áskerı qyzmetke (laýazym ataýy) taǵaıyndaý úshin ______________________________________________________________. meniń qujattarymdy qabyldaýyńyzdy suraımyn.
Qazaqstan Respýblıkasynyń prokýratýra organdaryna (vedomstvolyqtaryna, mekemelerine) kelisimshart boıynsha áskerı qyzmetke kirý úshin kandıdattardy irikteýden ótý tártibimen jáne sharttarymen tanystym, olardy oryndaýǵa mindettenemin.
Qazaqstan Respýblıkasynyń Qarýly Kúshteri, basqa áskerleri men áskerı quramalarynda áskerı qyzmetten ótý Erejeleriniń 21-tarmaǵyna sáıkes osy ótinishke qosa usynylǵan qujattardyń túpnusqaǵa saı ekendigin rastaımyn.
Qosymsha:___________________________________________________________________
____________________________________________________________________________
____________________
qoly, kúni
Qazaqstan Respýblıkasynyń prokýratýrasynyń organdaryna, vedomstvolaryna jáne mekemelerine kelisimshart boıynsha áskerı qyzmetke kirý úshin azamattar ishinen kandıdattardy kásibı jáne psıhologııalyq irikteý boıynsha is-sharalardy júrgizý, irikteý komıssııasynyń qurylýy men qyzmetiniń Qaǵıdalaryna 1-qosymsha
nysan
______________________________________
(jergilikti áskerı basqarý organynyń ataýy)
________________________________________
JOLDAMA № ______
Kelisimshart boıynsha áskerı qyzmetten ótýge jaramdylyǵyn anyqtaý maqsatynda ____________
_________________________________________________________________________laýazymyna
áskerı laýazymnyń ataýy
Qazaqstan Respýblıkasynyń prokýratýra organdaryna (vedomstvolaryna, mekemelerine) qyzmetke kiretin kandıdat retinde _______________________________________________________________________________
azamattyń tegi, aty, ákesiniń aty (bar bolǵan jaǵdaıda) týǵan kúni, aıy, jyly
jeke isin resimdeý úshin jáne medısınalyq kýálandyrýdan (psıhologııalyq tekserýden) ótý úshin jiberiledi.
Sýreti
3h4
Jiberilip otyrǵan úmitkerge Qazaqstan Respýblıkasynyń Qarýly Kúshteri, basqa áskerleri men áskerı quramalarynda áskerı qyzmetten ótý Erejeleriniń 21-tarmaǵynda tizimdelgen qujattardy usynýǵa mindetti ekendigi eskertildi.
M.O. Kadr jumysy bólimshesiniń basshysy __________________
qoly, tegi
Joldamanyń berilgen kúni _____________________
Atqarýshy ___________________________________
laýazymy, tegi, telefony
Qazaqstan Respýblıkasynyń prokýratýrasynyń organdaryna, vedomstvolaryna jáne mekemelerine kelisimshart boıynsha áskerı qyzmetke kirý úshin azamattar ishinen kandıdattardy kásibı jáne psıhologııalyq irikteý boıynsha is-sharalardy júrgizý, irikteý komıssııasynyń qurylýy men qyzmetiniń Qaǵıdalaryna 2-qosymsha
nysan
Prokýratýra organdaryna kelisimshart boıynsha áskerı qyzmetke kiretin kandıdattardy tirkeý
jáne joldama berý
Jýrnaly
№
r/n Kandıdattyń tegi, aty, ákesiniń aty, týǵan jyly Qaı JÁBO joldama berildi Berilgen kúni Kúni jáne alǵan jaǵdaıda kandıdattyń qoly
1 2 3 4 5
JÁBO-nan kandıdattyń jeke isiniń kelgendigi týraly belgi Medısınalyq kýálandyrý qorytyndylary (qujattyń nómiri jáne kúni) Psıhologııalyq tekserý qorytyndylary (qujattyń nómiri jáne kúni) Eskertpe
6 7 8 9
Eskertpe: JÁBO – jergilikti áskerı basqarý organy
Qazaqstan Respýblıkasynyń prokýratýrasynyń organdaryna, vedomstvolaryna jáne mekemelerine kelisimshart boıynsha áskerı qyzmetke kirý úshin azamattar ishinen kandıdattardy kásibı jáne psıhologııalyq irikteý boıynsha is-sharalardy júrgizý, irikteý komıssııasynyń qurylýy men qyzmetiniń Qaǵıdalaryna 3-qosymsha
Prokýratýra organdaryna kelisimshart boıynsha ásker