Aqparattar aǵyny

*Bıyl QMG munaı men gaz óndirý jáne tasymaldaý kólemin saqtap qalýǵa nıetti. Qurylymnyń basqarma tóraǵasy Saýat Myńbaevtyń sózine qaraǵanda, munaı óndirý deńgeıi ótken jyly shamamen 22,3 mln., magıstraldi qubyrlarmen kómirsýtekter tasymaldaý kólemi 64 mln., teńiz arqyly tasymaldaý 9,6 mln. tonnany quraǵan. Al tabıǵı gazdy óndirý 4,7 mln. tekshe metrge jetken. *Byltyr elimizde on­kolo­gııalyq aýrýlardy anyqtaý skrınınginen 2,3 mln.-nan astam adam ótti. Densaýlyq saqtaý jáne áleýmettik damý mınıstrligi habarlaǵandaı, búginde memleketimizde onko­logııalyq kómekti damytý baǵ­darlamasy aıasynda 11 óńirde 6 túrli aldyn alý sharalary júzege asyrylyp jatyr. *Astanalyq stýdentter ardagerlerge kómektesýde. Qa­lalyq jastar saıasaty máse­leleri basqarmasynyń uıym­das­tyrýymen Jeńistiń 70 jyl­dyǵyna arnalǵan «Ardager» aksııasy bastaldy. Elordanyń belsendi jastary tize qosyp, ardagerlerge kómek berýdi jón kórip otyr. Belsendi top atalmysh aksııa sheńberinde barlyq ardagerlerdiń úıine baryp, olardy kele jatqan merekemen quttyqtap shyǵady. *Qaraǵandydaǵy «Mu­rager» mektebiniń oqýshylary «aqyldy» robottar jasap shyǵardy. Balalar olardyń birine «Murager» degen esim beripti. Ol 19 til men kóptegen matematıkalyq formýlalardy biledi ári kez kelgen suraqqa jaý­ap beredi. Mektep muǵalimderi búginde robottar sany kún sanap ósip kele jatqanyn aıtady. *Ońtústik Qazaqstanda otbasylyq kásipkerlikti óris­te­týge basa nazar aýdarylyp otyr. Byltyr aımaqta úıir­gelik sharýashylyqtarda 10-15 bas maldy bordaqylap, saýyn sıyr ustaý úshin túrli qarjy kózderinen 5,9 mlrd. teńgedeı paıyzy tómen nesıe bólingen. Oblystyq aýyl sharýashylyǵy basqarmasynyń basshysy Qanatbek Ospanbekov sharýashylyqty damytý baǵ­darlamasy aıasynda 3 jyldyń kóleminde 21 myń adam jumyspen qamtylady, dep málimdedi. *Shyǵys Qazaqstanda elimiz boıynsha alǵashqy «Kásipkerler úıi» ashyldy. Ulttyq kásipkerler palatasy (UKP) basqarma tóraǵasynyń orynbasary Nurjan Áltaevtyń aıtýynsha, mundaı ortalyqtar «Qazaqstannyń halyq banki» AQ men UKP arasynda qol qoıylǵan memorandým negizinde árbir aýdanda ashylatyn kórinedi. Olarda bıznesti memlekettik qoldaýdyń barlyq qyzmeti usynylady. *Eýro-5 janarmaıy endi elimizde de óndiriledi. Batys Qazaqstanda ekologııalyq jaǵynan taza ónim sanalatyn Eýro-5 janarmaıyn shyǵarýǵa arnalǵan keshen qurylysy aıaqtalýǵa jaqyn. «Kondensat» kompanııalar toby dırektorlar keńesiniń tóraǵasy Valerıı Júnisovtiń dereginshe, birinshi kezeńde jylyna 200 myń tonna joǵary oktandy etılsiz Ka5 benzınin óndirý josparda tur. Al ekinshi kezeń aıasynda ekologııalyq taza dızel otyny shyǵarylady. Zaýyt osy jyldyń III toqsanynda iske qosylady dep kútilýde. *Aqtóbede aýyl sharýa­shylyǵy ónimderiniń kóshpeli jármeńkeleri bastaldy. Qala­lyq ákimdik málim etkendeı, shaharǵa qarasty 5 aýyldyq ok­rýgte ótetin bul sharalar aq­pan jáne naýryz aılarynda ár senbi saıyn uıymdastyrylady. Jármeńkelerde negizgi azyq-túlik ónimderi tómen baǵamen satylady. Habarlar Úkimet, oblystyq ákimdikter saıttary, «QazAqparat» agenttigi jáne «24kz» telearnasynyń derekteri boıynsha daıyndaldy.