Tasqyn sýyn qabyldaý jáne qaýipsiz ótkizý úshin Sý resýrstary jáne ırrıgasııa mınıstrligi iri sý qoımalarynan sý jiberip jatyr, dep habarlaıdy Egemen.kz.
27 naýryz kúngi jaǵdaı boıynsha sý qoımalaryna qansha tekshe metr sý jiberilip jatqany málim boldy:
Aqmola oblysynda Astana sý qoımasynan sekýndyna 1,5 tekshe metr, Sileti sý qoımasynan 150 tekshe metr, Shaǵalaly sý qoımasynan 8,3 tekshe metr sý.
Aqtóbe oblysyndaǵy Aqtóbe sý qoımasynan sekýndyna 10 tekshe metr, Qarǵaly sý qoımasynan sekýndyna 0,5 tekshe metrden sý jiberilse, byltyr rekonstrýksııa jasalǵan 2 sý qoımasy belsendi sý jınap jatyr, búginde 67%-ǵa toly.
Shyǵys Qazaqstan oblysynda Buqtyrma sý qoımasynan sekýndyna 620 tekshe metr, al, О́skemen sý qoımasynan 600 tekshe metr sý.
Abaı oblysyndaǵy Shúlbi sý qoımasynan sekýndyna 660 tekshe metr.
Batys Qazaqstan oblysynda Kırov sý qoımasynan sekýndyna 12,2 tekshe metr, Bitik sý qoımasynan sekýndyna 9,3 tekshe metr, Dóńgelek jáne Pıatımar sý qoımalarynan sekýndyna 2,2 tekshe metrden sý jiberilip jatyr.
Qaraǵandy oblysynda Yntymaq sý qoımasynan sekýndyna 10 tekshe metr, Samarqand sý qoımasynan 5 tekshe metr sý.
Ulytaý oblysy Keńgir sý qoımasynan sekýndyna 4,7 tekshe metr.
Qostanaı oblysynda Joǵarǵy Tobyl sý qoımasynan sekýndyna 1,1 tekshe metr, Qaratomar sý qoımasynan sekýndyna 3 tekshe metr. Qazir eki nysan da belsendi sý jınap, orta eseppen 68%-ǵa toldy.
Soltústik Qazaqstan oblysynda Sergeev sý qoımasynan sekýndyna 493,2 tekshe metr, Petropavl sý qoımasynan 195 tekshe metr sý jiberilip jatyr.