О́ner aqyl men júrekke keshendi túrde áser etedi, onyń kúshi adam rýhynyń nebir qaltarystaryna deıin qozǵaıdy. О́ner adam janyn sózsiz tazartady. Ǵylym da muny áldeqashan dáleldegen.
Dúnıejúzilik densaýlyq saqtaý uıymynyń dereginshe, ónerden lázzat alý kúızelisti azaıtyp, adamnyń ishki ahýalyn jaqsartady. Shveısarııanyń Nevshatel qalasyndaǵy dárigerler naýqastarǵa dári-dármek ornyna mýzeıge barý jóninde resept jazyp beredi. Bul – psıhıkalyq jáne fızıkalyq saýlyqty jaqsartýǵa baǵyttalǵan qanatqaqty joba. Naýqastar qaladaǵy kez kelgen tórt mýzeıge tegin kire alady. Eger bul tájirıbe sátti bolsa, jergilikti bılik teatr men bı sabaqtary sııaqty basqa da mádenı is-sharalardy reseptke engizýdi josparlap otyr.