Jarys kúndeligi

Shaıbaly hokkeıden Almatynyń «Aısulýy» Eý­ropa áıelder lıgasynyń (EWHL) je­ńimpazy atandy. Bar­lyq qarsy­lasyn qapy qal­dyrǵan qyzdar fınalda Aýs­trııanyń Sankt-Pıolten qalasynyń «Seıbrz» klýbyna san soqtyrdy. Qos komanda arasyndaǵy alǵashqy match 1:1 esebimen teń aıaqtalsa, qarymta kezdesýde «Aısulýdyń» asyǵy alshysynan tústi – 2:1. Jeńis golyn overtaımda Ennalız Heıs soqty. Kórkem gımnastıkadan Gre­kııada ótken «Aphrodite Cup» týrnırinde elimizdiń quramasy 9 altyn, 5 kúmis, 1 qola medalǵa qol jetkizdi. Erıka Jaılaýova kópsaıys pen «taspada» birinshi oryn alsa, «dop» jattyǵýynda ekinshi satyǵa jaıǵasty. Mılana Parfılova «shyǵyrshyqta» al­tynnan alqa taqty. Aıym Meıir­janova «taspada» ekinshi, kóp­saıysta úshinshi oryndy enshiledi. Toptyq saıys­ta jer­les­terimiz 2 altyn, 1 kúmis oljalady. Qyzdar arasyndaǵy túrli jat­ty­ǵýda Aqma­ral Erekesheva úsh altyn, eki kúmis ıelense, Aıǵanym Rysbek altynnan alqa taqty. Marokkonyń Marakesh qalasynda shpagamen semserlesýden álem kýbogi bastaldy. Jarysta erler arasynda Elmır Álimjanov, Vadım Sharlaımov, Erlik Sertaı, Rýslan Qur­banov, Ańsar Qasen, Kırıll Pavlov, Nı­kıta Jý­lınskıı, Alek­sandr Fedotov, Mıhaıl Kýz­mın, Narıman Ýálıhan óner kórsetedi. Áıelder básekesinde Sofııa Nıkolaıchýk, Vla­dıslava Andreeva, Lázzat Káripova, Karolına Fomına, Vıktorııa Qaıdarovaǵa senim artylyp otyr. Shveısarııanyń Engvadın qalasynda frıstaıl-akrobatıkadan álem chempıonatynyń shymyldyǵy túrildi. Atalǵan jarysta qazaq eli namysyn Sherzod Hashırbaev, Ulanbákir О́mir­zaqov, Dinmuhammed Raıymqulov, Asan Asylhan, Aıana Joldas syndy sportshylar qorǵaıdy. Paradzıýdodan Tbılısıde ótken Álem kýboginde Aqmaral Naýatbek altynnan alqa taqty. ­52 kg salmaqta kúresken Aqmaral fı­nalda germanııalyq Izabel Taıdy aıqyn basymdyqpen utty. Iordanııada Azııa kúres keńesiniń (AKK) kongresi ótti. Sol jıynda osyǵan deıin atal­ǵan uıymdy birneshe jyl boıy basqarǵan dańqty balýan Dáýlet Turlyhanov óz qyzmetinen ketti. Jerlesimizdiń ornyna ıor­da­nııalyq Mohammed Ál-Avamala saılandy. Shaıbaly hokkeıden QHL-dyń Gagarın kýbogi jolyndaǵy jarysy bastaldy. Asta­nanyń «Barysy» bul básekeden tys qalǵanymen, elimiz ulttyq quramasynyń bes birdeı oıynshysy túrli klýb sapynda óner kórsetedi. Olar – Valerıı Ore­hov pen Nıkıta Mıhaılıs («Metallýrg»), Leo­nıd Metalnıkov pen Arkadıı Shestakov («Admıral»), Dmıtrıı Breýs («Torpedo»). Fýtzaldan el kýbogi jo­lyn­daǵy ja­rys­tyń fınalynda «Qaırat» pen «Semeı» kezdesti. Sheshýshi match Abaı oblysynan kelgen koman­danyń aıqyn jeńisimen aıaqtaldy. Esep – 5:1. Semeılikterdiń sapyn­daǵy Kaıo Rýıs dýbl avtory atansa, Dedezıno, Gabrıel Kan­dıdo, Aqjol Dáribaı bir-bir retten nysanany dál kózdedi. Almatylyqtar arasynan tek Dener ǵana mergendik tanytty. 30 naýryz ben 6 sáýir ara­lyǵynda bokstan Brazılııada halyqaralyq týrnır ótedi. Ja­rysta elimizdiń týy astynda Nurzat Ońǵaruly (50 kg), Nur­sultan Altynbek (55 kg), Talǵat Syrymbetov (60 kg), Almat Ábdýáli (65 kg), Darhan Dúısebaı (70 kg), Dıas Moljigitov (80 kg), Dáýlet Tólemisov (85 kg), Danııal Saparbaı (90 kg) syndy bylǵary qolǵap sheberleri óner kórsetedi. Tennısten Maıamıde ótip jatqan asa iri halyqaralyq dodanyń 1/16 fınalynda argen­tınalyq Ýgo Karabellıdi qapy qaldyrǵan Serbııanyń sańlaǵy Novak Djokovıch jańa rekord ornatty. Ol «Masters» sanatyndaǵy týrnırlerde óziniń 411-jeńisine qol jetkizdi. Osy kórsetkish jaǵynan Djokovıch ıspanııalyq Rafael Nadaldi (410 jeńis) ­basyp ozdy.