5 sáýir kúni Aqtaýda qalanyń túrki áleminiń mádenı astanasy bolyp jarııalanýyna baılanysty resmı ashylý saltanaty ótedi. Aıtýly shara teńiz jaǵalaýynda uıymdastyrylyp, túrki halyqtarynyń ortaq qundylyqtary men Mańǵystaý óńiriniń baı mádenı murasy keńinen tanystyrylady, dep habarlaıdy Egemen.kz.
Ashylý saltanaty úsh bólimnen turady:
«Jeti jurt kelip, jeti jurt ketken – Mańǵystaý» – óńir tarıhyna saıahat; «Mańǵaz dala – máńgilik mura» – mádenı murany dáripteý; «Maqamy máshhúr – Mańǵystaý» – ónerpazdardyń konserti.Shara barysynda túrkitildes elderdiń óner sheberleri merekelik konsert qoıady. Saltanatty keshti «Qazaqstan» telearnasy tikeleı efırde kórsetedi.
Esterińizge sala keteıik, Aqtaý qalasyna «Túrki áleminiń mádenı astanasy» mártebesi ótken jyldyń sońynda TÚRKSOI uıymynyń Ashhabadta ótken 41-otyrysynda berilgen edi.