Abaı oblysynyń ákimi Berik Ýálıdiń tóraǵalyǵymen «Jaıly mektep» ulttyq pılottyq jobasy aıasynda óńirde salynyp jatqan mektepter qurylysyna qatysty jıyn ótti, dep jazady Egemen.kz.
Otyrysqa «Samuryq Qazyna konstrakshn» AQ basqarma tóraǵasy Máýlen Aımanbetov, oblys ákiminiń orynbasarlary, Semeı qalasynyń ákimi, tıisti basqarma basshylary men merdiger kompanııa ókilderi qatysty.
«Búginde oblysta «Jaıly mektep» jobasy aıasynda 4 mekteptiń qurylysy júrgizilip jatyr. Semeı qalasyndaǵy Qaraǵaıly yqsham aýdanynda 1200 oryndyq, Vodnyı kentinde 600 oryndyq, Besqaraǵaı aýdanynyń Besqaraǵaı aýylynda 300 oryndyq mekteptiń qurylysy tolyq aıaqtalǵan», deıdi oblys ákiminiń baspasóz qyzmeti.
Olardyń málimetine súıensek, Qaraǵaıly yqsham aýdany men Besqaraǵaı aýylyndaǵy mektepterdi ınternet jáne elektr jelisine qosý boıynsha týyndaǵan máseleler sheshildi. Aıagóz qalasyndaǵy 600 oryndyq mekteptiń qurylysy jalǵasyp jatyr. Budan bólek atalǵan joba aıasynda Semeı qalasynyń Shyǵys kentinde jańa mektep salý josparda bar.
Jıynda «Samuryq Qazyna konstrakshn» AQ basqarma tóraǵasy Máýlen Aımanbetov aımaq basshysyna «Jaıly mektep» jobasy boıynsha óńirde salynyp jatqan mektepter týraly baıandady.
Al oblys ákimi joǵaryda atalǵan mektepterdiń tapsyrys berýshisi «Samuryq Qazyna konstrakshn» basshylyǵyna nysandardyń qurylysyn meılinshe tezdetýdi ári jumystyń sapaly oryndalýyn qadaǵalaýda ustaýdy tapsyrdy. ákimi joǵaryda atalǵan mektepterdiń tapsyrys berýshisi «Samuryq Qazyna konstrakshn» basshylyǵyna nysandardyń qurylysyn meılinshe tezdetýdi ári jumystyń sapaly oryndalýyn qadaǵalaýda ustaýdy tapsyrdy.
«Elimizdiń basqa óńirlerinde osy joba aıasynda ondaǵan mektep paıdalanýǵa berildi. Al biz aınaldyrǵan 5 mektepti áli aıaqtaı almaı otyrmyz. Qanshama ata-ana, qanshama oqýshy bul bilim ordalarynyń tezirek ashylýyn kútip júr. «Jaıly mektep» jobasyn Prezıdenttiń ózi baqylaýynda ustap otyr. Sondyqtan tapsyrys berýshi merdigerlermen birlese jumys istep, mektepterdi tezirek qoldanysqa berińizder. Ákimdik tarapynan tıisti kómek kórsetemiz», dedi aımaq basshysy.
Rasynda qazir «Jaıly mektep» ulttyq jobasy elimizdiń barlyq óńirinde júzege asyp jatyr.
Máselen, halyq sany qaraılas ári kórshiles ShQO men Pavlodar oblysyn alaıyq. «Jaıly mektep» ulttyq jobasy aıasynda Pavlodar oblysynda 2023-2025 jyldary jalpy 5 mektep salý josparlanǵan edi. 2024 jyly ekeýi paıdalanýǵa berildi.
Al Shyǵys Qazaqstan oblysynda «Jaıly mektep» jobasy boıynsha 5 mektep byltyr paıdalanýǵa berildi, al qalǵan 5 mekteptiń qurylysy 2025 jyly aıaqtalady dep josparlanǵan.