Temirtaýda jasóspirimder 67 jastaǵy naýqas zeınetkerdiń páterine elektr qyzmetkeri retinde aldap kirip, keıin oǵan qorlyq kórsetken, dep habarlaıdy Egemen.kz.
Áleýmettik jelilerde qarııany aıaýsyz soqqyǵa jyǵý sáti túsirilgen vıdeo taraǵan. Beınejazbada jasóspirimderdiń zeınetkerdiń betinen uryp, oǵan túkirip jáne balaǵat sózder aıtyp jatqan sátteri kórinis tapqan.
Qaraǵandy oblysynyń polısııa departamenti jasóspirimderdiń jeke basy anyqtalǵanyn habarlady.
«Bul jaǵdaı ýchaskelik ınspektorlardyń aldyn alý jumystary barysynda anyqtaldy. Barlyq kináliler, onyń ishinde kámeletke tolmaǵandar da ustalyp, ýaqytsha ustaý ızolıatoryna qamaldy. Kámeletke tolmaǵandardyń zańdy ókilderi jaýapkershilikke tartylady», delingen habarlamada.