Orny bólek otandyq fılmder

Jambyl oblystyq Má­denıet jáne tilderdi damytý basqarmasynyń uıtqy bolýymen Taraz qalalyq má­denıet úıinde uıymdastyrylǵan is-sharada Ulttyq kınony qoldaý orta­ly­ǵy túsirgen «Jambyl. Jańa dáýir» fılmi kórsetildi. Tarıhı baıo­pık­­tiń ssenarısi ári qoıý­shy-rejısseri – Jandos Qusaıynov. Shyǵarmashylyq top týyndyǵa kirispes buryn arhıvterdi aqtarǵanyn eskerý kerek. Ol úshin tipti Máskeýdegi muraǵattar zerttelgen.

«Tarıhyńdy bilmeseń, keleshekti boljaı almaısyń» degen sóz bar. Bizdiń de Jambyl oblysynda «Jambyl. Jańa dáýir» fılmin usynýymyz beker emes. Bıyl 6 jyldyǵyn atap ótken Ulttyq kıno orta­ly­ǵynyń negizgi mıssııasy – ótkennen syr tartyp, osyndaı tarıhı tulǵalarymyzdyń jarqyn murasyn jas urpaqqa nasıhattaý. Fılm aty aıtyp turǵandaı, qazaq aýyz ádebıetiniń aıtýly tulǵasy, jyr alyby Jambyl Jabaev týraly. Fılmde aqynnyń ómi­rine áser etken aıtýly oqı­­ǵalar sýret­telgen. Atap aıt­qanda, aqyndar sleti, aqyn óleńderiniń baspasózde jarııa­­lanýy. Sondaı-aq Jambyl Jabaev­tyń Oraz Jandosovpen jáne basqa da kórnekti qaırat­kerlermen kez­desýi kórsetiledi. Bul is-shara elimizdiń ózge óńir­lerinde de jalǵasady. Bizdiń maqsat – aýyl-aımaqtaǵy kórermendi otan­­dyq kınomyzben, Orta­lyq­tyń fılm­de­ri­men tanys­tyrý», dedi Ulttyq kıno­ny qol­daý ortalyǵynyń bas­qarma tóraǵasy Qur­manbek Jumaǵalı.

Ortalyq basshysy atap ótkendeı, bul úrdis eli­miz­diń ózge qalalary men aýyl­dyq okrýgterinde de uıym­das­­ty­rylady dep josparlanyp otyr. Bastama aıasynda el tarıhy men má­denıetin aıshyqtaıtyn fılm­­derdi ta­nystyrý jalǵasady. Máse­­len, Kıno kúnderi aıasynda kór­setiletin «Qajymuqan» ult­tyq rýhy­myzdy asqaq­tatsa, «Dos-Muqasan» fılmi ar­qyly tul­ǵa­­­lardyń júrip ótken jolyna qanyǵýǵa múmkindik beriledi. «Nabat operasııasy», «Vremıa patrıotov» quqyq qorǵaýshylardyń eńbe­gin kórsetip, Otanǵa degen súıis­pen­shilikti arttyrady. «Baýyryna salý» dep atalatyn kınoda ulttyq dástúr dárip­­teledi. Kishkentaı kórer­men­derge arnal­ǵan «Taıqazan» dep atalatyn anı­ma­sııalyq fılm, «Almaty, men seni jaq­­sy kóremin!», «Sońǵy úkim», «Dala qas­qy­ry», «Toqta, tún», «Shýlama» fılm­de­riniń de kórermenine aıtar oıy bar.