Malaızııanyń Kýala-Lýmpýr qalasyna jaqyn ornalasqan Sýbang-Djaıa aımaǵynda gaz qubyrynda iri jarylys boldy, dep habarlaıdy Egemen.kz Malay Mail basylymyna silteme jasap.
Qalalyq órt sóndirý qyzmetiniń málimeti boıynsha, jarylys saldarynan 33 adam jaraqat alǵan, olardyń 6-y aýrýhanaǵa jetkizilgen.
Aıta keteıik, gaz qubyry memlekettik energetıkalyq kompanııa Petronas-qa tıesili.
О́rt Petronas gaz qubyrynyń 500 metrge jýyq ýchaskesin qamtyǵan. Qazirgi tańda Avan turǵyn úı aýdanynan adamdardy evakýasııalaý jumystary júrgizilip jatyr.
Sheneýnikte jaqyn mańaıdaǵy Petronas janarmaı quıý stansııasy zardap shekpegenin rastap, tek negizgi gaz qubyry órtenip jatqanyn málimdegen.
«Gaz qubyry jabyldy, biraq órt qalǵan gaz túgel janyp ketkenshe jalǵasa beredi. О́rt birneshe turǵyn úılerge taralǵan, ázirge zaqymdanǵan ǵımarattardyń naqty sany belgisiz», delingen habarlamada.