Memlekettik qyzmettegi bıznes-prosesterdi ońtaılandyrý qajet - Oljas Bektenov

Sonymen qatar ol banktik qosymshalar arqyly júretin qarapaıym ári jyldam prosesterdiń arqasynda onlaın-qyzmettermen qamtý deńgeıi artyp kele jatqanyn atap ótti.  «Jalpy memlekettik qyzmetterdegi bıznes-prosesterdi ońtaılandyrýǵa basa nazar aýdarý kerek. Paıdalanýshylar ózderine qajetti qyzmettiń bárin eń kóp degende, «eki batyrmany basý arqyly» alýy tıis. Sonymen qatar Memleket basshysynyń tapsyrmasyna sáıkes jasandy ıntellektini belsendi túrde engizý kerek. Birinshi kezekte, «elektrondy úkimet» platformasynda osyǵan basymdyq berilýi tıis. Ony qoldaný memlekettik organdardyń aqparattyq júıeleriniń úzdiksiz jumysyn qamtamasyz etýi jáne halyqtyń kórsetiletin qyzmetterge qol jetkizýin jeńildetýge yqpal etýi tıis», dedi Oljas Bektenov. Premer-mınıstr E-Gov ınfraqurylymy 24/7 rejıminde minsiz jumys isteýi kerek ekenin atap ótip, serverlik jabdyqtar men baǵdarlamalyq qamtamasyz etý júıesin jetildirý baǵytynda qosymsha sharalar qabyldaýdy tapsyrdy.