Temirtaýdaǵy zeınetkerge zorlyq-zombylyq kórsetý isinde keıbir jańa málimetter anyqtaldy, dep habarlaıdy Egemen.kz.
Esterińizge sala keteıik, bir top jasóspirim jalǵan aıtýmen jalǵyzbasty zeınetkerdiń úıine kirip, qorǵansyz adamdy aıaýsyz uryp-soǵyp, tonap ketken. Olar zeınetkerge qatysty jasaǵan qorlyqtaryn vıdeoǵa túsirip, ony dostaryna jáne tanystaryna taratqan. Bul beınemazmundy basqa bir top jastar kórip, tonaýshylardy «jazalaý» sheshimine kelgen.
«Temirtaý qalasynyń 67 jastaǵy turǵynyna qatysty shabýyl men tonaý faktisi boıynsha júrgizilip jatqan tergeý barysynda, qylmys jasalǵannan keıin, eki kúdikti basqa jasóspirimder tarapynan shabýylǵa ushyraǵany anyqtaldy», dep habarlady Qaraǵandy oblysynyń Polısııa departamenti.
Bul jaǵdaı boıynsha «Densaýlyqqa qasaqana aýyr zııan keltirý» baby boıynsha qylmystyq is qozǵalǵan.
«Barlyq jasóspirimder ustalyp, polısııaǵa jetkizildi, sondaı-aq olar profılaktıkalyq esepke qoıyldy. Olardyń zańdy ókilderi tárbıe máselesinde jaýapkershilikke tartylatyn bolady», delingen habarlamada.
Sonymen qatar, quqyq qorǵaýshylar barlyq áreketterge tek zań aıasynda quqyqtyq baǵa beriletinin jáne zańsyz áreketterge tek quqyqtyq negizde jaýap beriletinin atap ótti.