Ulytaý oblysynda Jezqazǵan qalasy aýmaǵyn, eldi mekenderdi kıik ólekselerinen tazartý júrgizilip jatyr. Aqpan aıynan beri atqarylǵan jumystyń nátıjesinde bas-aıaǵy 660-tan astam kıik óleksesi joıyldy.
Jumysty Ulytaý oblysy boıynsha orman sharýashylyǵy jáne janýarlar dúnıesi aýmaqtyq ınspeksııasynyń qyzmetkerleri, «Ohotzooprom О́B» RMQK ınspektorlyq quramy, tótenshe jaǵdaı departamentiniń, Jezqazǵan qalalyq ákimdiginiń qyzmetkerleri birlesken túrde atqaryp jatyr. Sharaǵa alty arnaıy tehnıka jumyldyrylǵan.
Naýryz aıynyń sońǵy kúnderi Keńgir sý qoımasy, Jezqazǵan qalasynyń aýmaǵynan 20, oblys ortalyǵy mańyndaǵy dalalyq jerlerden 63, Keńgir sý qoımasynyń soltústik-shyǵys bóliginen «Balyqshylar úıi» mańyna deıingi aýmaqtardan 110 bas kıik óleksesi Keńgir okrýginiń mal qorymyna aparylyp, joıyldy. Komıssııa músheleri ólekselerdi joıý týraly tıisti akt jasady. Qys maýsymynda ólgen kıik súıekterin jınaý jumysy áli de jalǵasady.
Ulytaý oblysy