Soltústik Qazaqstan oblysyndaǵy Qozybaev ýnıversıteti 2024-2025 oqý jylynda «Serpin» memlekettik baǵdarlamasy aıasynda 200-den astam stýdentti qabyldaıdy. Baǵdarlama elimizdiń ońtústik óńirlerinen kelgen jastarǵa bilim alyp, keıin soltústik aımaqtarda jumysqa ornalasýǵa múmkindik beredi, dep habarlaıdy Egemen.kz.
Qozybaev ýnıversıtetiniń ókilderi mektep túlekteri men olardyń ata-analaryna baǵdarlamanyń artyqshylyqtaryn túsindirý úshin kásibı baǵdar berý kerýenin jolǵa shyǵardy. Arnaıy delegasııa quramynda oqytýshylar men stýdentter bar. Olar Shymkent, Qyzylorda, Túrkistan jáne Jambyl oblystaryndaǵy 30 eldi mekendi aralap, 6 500 shaqyrym jol júredi.
Elimizdiń joǵary oqý orny Arızona ýnıversıtetimen seriktestik ornatyp, qos dıplomdyq bilim berý baǵdarlamasyn usynyp otyr. Bul joba «Serpin» baǵdarlamasynyń qatysýshylaryna halyqaralyq deńgeıde bilim alýǵa jol ashady.