ASTANA. Keshe, 10 aqpan kúni Keńes Odaǵynyń baıyrǵy halyq ártisi Vladımır Zeldın óziniń ǵasyrlyq jasqa toldy. Bul týraly «Argýmenty ı fakty» habarlady.
Keshegi keńes zamany teatrynyń ańyzǵa aınalǵan tulǵasy bolǵan Vladımır Zeldın 10 aqpanda 100-ge tolǵanyn Reseı armııasy ortalyq akademııalyq teatrynyń úlken sahnasynda atap ótti. Ol osynda «100 jyl, nemese Ýaqytpen birge bıleý» degen spektakldiń premerasynda basty rolde oınady. Mereıtoı ıesine arnalǵan qoıylymdy rejısser Iýlıı Gýsman qoıdy.
Keńes jáne orys teatry men kınosynyń akteri, KSRO halyq ártisi Vladımır Mıhaılovıch Zeldın 1915 jylǵy 10 aqpan (eski stılmen – 28 qańtar) kúni Tambov oblysyndaǵy Kozlov (qazir Mıchýrınsk) qalasynda týǵan. Onyń ákesi Mıhaıl Evgenevıch Zeldın mýzykant, dırıjer, áskerı kapelmeıster bolǵan. Ol Tverdegi mýzykalyq mekteptiń negizin qalap, ony ózi basqarǵan. Anasy Anna Nıkolaeva Popova muǵalim bolyp qyzmet etken.
Murat Aıtqoja.