ASTANA. 11 aqpan. Keshe, 10 aqpan kúni Reseı prokýratýrasy Ýkraınanyń burynǵy prezıdenti Vıktor Iаnýkovıchti Ýkraınaǵa bermeý kerek dep sheshti. Bul týraly «Vestı.Ru» habarlady.
«Biz mindetti túrde Ýkraına bas prokýratýrasyndaǵy áriptesterimizdiń suranysyna jaýap beremiz», - dep sendirdi Reseıdiń bas prokýrory Iýrıı Chaıka ýkraın jaǵynyń Ýkraınanyń eks-prezıdenti Vıktor Iаnýkovıch pen onyń birqatar jaqtastaryn tutqyndap, ustap berý jónindegi suranysyna baılanysty. Biraq jaýap suranysty qanaǵattandyrmaýǵa quralady.
Iýrıı Chaıka nelikten eks-prezıdentti ustap bere almaıtyndaryn da aıtty. Sebebi, Reseı bul kisilerdi qýdalaýdyń astarynan tek saıası sebepterdi ǵana kórip tur. Halyqaralyq-quqyqtyq qujattar sekildi, Reseı zańnamasy da saıası sıpaty bar qylmystyq qýdalaýǵa ushyraǵan sheteldik tulǵalardy ustap berýdi qoldamaıdy.
Ýkraına bas prokýrory 2015 jylǵy 20 qańtarda eks-prezıdent Vıktor Iаnýkovıchti, eks-premer Nıkolaı Azarovty jáne Ýkraınanyń burynǵy qarjy mınıstri Iýrıı Kolobovty ekstradasııa jasaý jónindegi qujattardy daıyndaý prosedýrasyn bastaǵan edi. 2015 jylǵy 19 qańtarda Ýkraına bas prokýratýrasynyń atalǵan tulǵalardy ustap, jaýapqa tartý jónindegi kepildemesin tergeý sýdıasy qanaǵattandyrdy. Bul úsheýine sondaı-aq Interpol halyqaralyq izdeý jarııalady.
Murat Aıtqoja.