ASTANA. 11 aqpan. Fýtboldan Qazaqstan men Reseı quramalary bir-birimen joldastyq kezdesý ótkizetin bolyp kelisti. Bul týraly Reseı fýtbol odaǵynyń saıtynda habarlandy.
«31 naýryzda Reseı ulttyq quramasy Qazaqstan komandasymen joldastyq kezdesý ótkizedi. Oıyn Máskeýde oınalady, onyń ótetin stadıony men ýaqyty keıinirek aıtylady», - delingen habarlamada.
Buǵan deıin Qazaqstan ulttyq quramasy Moldova komandasymen ushyrasýdy josparlap qoıǵan. Bul joldastyq kezdesý 18 aqpan kúni ótedi.
Eske salyp ótetin bir jaıt, Qazaqstan jáne Reseı quramalary budan buryn bir ret ózara joldastyq oıyn ótkizgen. 2008 jyly bolǵan sol matchta qazaqstandyqtar 0:6 esebimen oısyraı utylǵan.
Damır Qojamqul.