«Taza Qazaqstan» jalpyulttyq ekologııalyq aksııasy aıasynda áıgili Kúshikbaı bulaǵynda «Bulaq kórseń, kózin ash» atty ekoaksııa uıymdastyryldy. Is-sharaǵa 50-den astam adam – eriktiler, stýdentter, qoǵam belsendileri, jergilikti turǵyndar qatysyp, bulaq mańyn tazartý jumystaryn júrgizdi.
Uıymdastyrýshylardyń aıtýynsha, mundaı is-sharalardyń basty maqsaty – qorshaǵan ortaǵa degen jaýapkershilikti kúsheıtip, qoǵamdy tabıǵatty aıalaýǵa shaqyrý.
«Taza Qazaqstan» – jaı ǵana ekologııalyq aksııa emes, elimizdiń árbir azamatyn qorshaǵan ortany saqtaýǵa, qorǵaýǵa shaqyratyn bataly bastama. О́kinishke qaraı, sońǵy kezeńde tabıǵı sý kózderiniń lastanýy úlken ekologııalyq problemaǵa aınalyp otyr. Aksııa aıasynda tabıǵatty qorǵaý, ekojúıeni qalpyna keltirý baǵytynda naqty jumystardy qolǵa aldyq. Búgingi is-sharanyń mán-mańyzy – ár adamnyń boıynda ekologııalyq túsinik qalyptastyrý, osy jaýapkershilikti árbir azamattyń sanasyna sińirý. Tabıǵatty tek paıdalanyp qana qoımaı, oǵan qamqorlyq jasaýdy da úırenýimiz kerek», dedi is-sharany uıymdastyrýshylardyń biri, qoǵam belsendisi Ersinbek О́rleýbek.
Mundaı ekologııalyq aksııalar, tazalyq jumystary, senbilikterdiń ekologııalyq mádenıetti, tabıǵatqa degen qamqor kózqarasty qalyptastyrýǵa eleýli úles qosatyny sózsiz.
Abaı oblysy