Agroónerkásipti damytatyn ortalyq

Memleket basshysynyń tapsyrmasyn iske asyrý maqsatynda Reseı Ǵylym akademııasy jáne jetekshi ǵylymı zertteý ınstıtýttarymen birlesip ashylǵan ortalyq eki eldiń ǵylymı zertteý ıns­­tıtýttarymen tyǵyz yn­tymaq­tastyqta jumys is­teıdi. Onda ǵalymdar táji­rı­be almasyp, ınnovasııalyq she­shim­der ázirleýmen aınalysady. Ma­mandardyń pikirinshe, ortalyq aýyl sharýashylyǵyna jo­ǵary tehnologııalyq tásilderdi engizýde biregeı platformaǵa aınalady.

Ortalyqtyń ashylý saltanatynda Prezıdent janyndaǵy Ulttyq ǵylym akademııa­synyń  prezıdenti A.Kúrish­baev, Reseı Ǵylym akademııasynyń vıse-prezıdenti P.Chekmarıov, Reseıdiń Qazaqstandaǵy elshi­liginiń keńesshisi D.Desov quttyqtaý sóz sóılep, eki eldiń ǵalymdary ortaq jobanyń taıaý bolashaqtaǵy múmkindikteri týraly pikirlerimen bólisti.

«Eki eldiń geografııalyq jaqyndyǵy ózara tıimdi eko­nomıkalyq jáne saýda qaty­nastarynyń damýyna yqpal etedi. Bizde tabıǵı-klımattyq jaǵdaılar men ekonomıkalyq múddeler uqsas. Bul agrarlyq sektorda yntymaqtastyq úshin tıimdi múmkindik týǵyzady. Qazaqstan men Reseı úlken tabıǵı resýrstarǵa ıe bola otyryp, jahandyq azyq-túlik qaýipsiz­digin qamtamasyz etýdegi negizgi oıynshylar sanalady. Osyǵan baılanysty agrarlyq sektor salasyndaǵy yntymaqtastyq tabıǵı ereksheligimizdi eskere otyryp, azyq-túlik óndirisin ulǵaıtýǵa ǵana emes, sonymen qatar agrarlyq saladaǵy tehnologııa­lyq úderisti jedeldetýge, aýyl sharýashylyǵyn jańa sapaly deńgeıge shyǵarýǵa múmkindik beredi. Reseı Ǵylym akademııasy – ǵyly­mı jáne tehnologııalyq salalarda yntymaqtasatyn jaqyn jáne senimdi seriktes. Bizdiń yntymaqtastyǵymyz ózara senim men ortaq maqsattarǵa umtylý­ǵa negizdelgen, bul damý men ny­ǵaıtýǵa yqpal etedi», dedi UǴA prezıdenti Aqylbek Kúrishbaev.

Agroónerkásip kesheni orta­lyǵynda aýyl sharýashylyǵy daqyldarynyń genomdyq seleksııasy salasyndaǵy birlesken ǵylymı zertteýleri men jobalardy damytyp, ónimdiligi joǵary jáne klımattyń ózgerýine jáne aýrýlarǵa tózimdi jańa sorttar jasaýmen qatar sort synaq­taryn júrgizedi.  Sondaı-aq munda genetıkalyq modıfıkasııanyń ozyq ádisterin ázirlep, turaq­ty jáne ekologııalyq taza ónim­der jasaý úshin bıotehnolo­gııalardy paıdalanýǵa qatysty zertteý jumystary iske asady. Sonymen qatar ǵalymdar aýyl sharýashylyǵynyń tıimdili­gin arttyrý úshin ınnovasııalyq tehnologııalardy engizý maqsa­tyn­da agroónerkásiptik keshen­de sıfrlyq tehnologııalardy damytyp, onyń ishinde monıto­rıng júıeleri, avtomattandyrý jáne ońtaıly sheshimder qabyldaý úshin úlken derekterdi taldaýǵa qatysty jobalardy da júzege asyrady.

ALMATY