Qazaqstan jáne Qyrǵyzstan shekarasynda 16 naýryzda bastalǵan «Tosqaýyl – 2025» birlesken operasııasy 12 sáýirge deıin jalǵasady. Operasııa UQK Shekara qyzmeti Almaty oblysy boıynsha departamentiniń Raıymbek, Qarasaı aýdandary boıynsha shekara basqarmalarynyń aýmaǵyn qamtıdy, dep jazady Egemen.kz.
Qazaqstan jáne Qyrǵyzstan shekaralyq vedomstvolary arasyndaǵy kelisim negizinde ótip jatqan operasııanyń nátıjesinde ustalǵandar az emes.
Sondaı oqıǵalardyń biri, 2 sáýir kúni saǵat 17:00 shamasynda Raıymbek aýdany boıynsha shekara basqarmasynyń QR tuńǵysh prezıdenti atyndaǵy shekara bólimshesiniń ýchaskesinde bolǵan.
Erikti jasaqshy N.Tleýberdıev shekaranyń boıynda belgisiz adamnyń júrgenin baıqap, bul týraly birden shekara bólimshesine habar bergen. Kóp uzamaı, aǵa leıtenant E.Saýyrbaev bastaǵan «Dabyl» toby memlekettik shekaradan birneshe shaqyrym jerden Qazaqstan azamaty ustalǵan.
Áıel adamnyń aıtýynsha, ol taý ishinde mal izdep júrgen. Narynqol aýylynyń turǵyny, jeke basyn kýálandyratyn qujatyn úıinde umyt qaldyrǵanyn aıtqan. Alaıda mundaı ýáj shekara rejımin buzýshylardy jaýapkershilikten bosatpaıdy. Sondyqtan, shekarashylar qolǵa túsirgen azamat ákimshilik jaýapkershilikke tartylyp, 5 AEK kóleminde aıyppul arqalady.
Tamara DÁÝLETBAEVA,
UQK Shekara qyzmetiniń zapastaǵy podpolkovnıgi.