Qaraǵandy qalasynda jańa ashylǵan týrıstik aqparattyq ortalyqta álemniń 170 tilin meńgergen vırtýaldy keńesshi jumys istep tur, dep habarlaıdy Egemen.kz.
Ortalyqtyń maqsaty – qalaǵa jáne óńirge kelgen qonaqtarǵa bir jerden barlyq qajetti aqparatty usyný. Munda týrıster Qaraǵandynyń kórikti oryndary, ekskýrsııalyq baǵyttar, qonaqúıler men demalys oryndary, sondaı-aq týroperatorlar kórsetetin qyzmetter týraly málimet ala alady.
«Odan bólek, ortalyq arnaıy týrıstik jolsiltemeler daıyndap, bolashaqta jańa baǵyttar ashýdy, qalalyq jáne oblystyq ekskýrsııalar men tarıhı-tanymdyq ekspedısııalar uıymdastyrýdy josparlap otyr», — delingen materıalda.
Týrıstik ortalyqta qyzmet kórsetetin vırtýaldy keńesshi – erekshe jańalyq. Ol 170 tildi meńgergen jáne kez kelgen týrıstke qolaıly tilde aqparat usyna alady.
«Keıde qaraǵandylyqtardyń ózderi de óńirimizdiń kórikti, tarıhı oryndary týraly bile bermeıdi. Qazir adam aqparatty izdemeýi kerek, kerisinshe aqparattyń ózi adamdy tabýy tıis», – deıdi tarıhı-geografııalyq qoǵam tóraǵasy Vıtalıı Shýpta.