2025 jylǵy 29-30 mamyrda Qazaqstannyń astanasynda álemdik kóshbasshylardy, sarapshylardy, ınvestorlar men bıznes ókilderin biriktiretin aımaqtaǵy eń iri iskerlik oqıǵa – Astana halyqaralyq forýmy (AIF2025) ótkiziledi, dep habarlaıdy Egemen.kz.
Forým baǵdarlamasy qazirgi zamannyń negizgi syn-qaterlerin qamtyǵan plenarlyq sessııa men 25 pikirtalas alańynan turady. Álemniń túkpir-túkpirinen 600-ge jýyq sheteldik qonaq qatyspaq. Olardyń arasynda jetekshi saıasatkerler, halyqaralyq uıym, korporasııa basshylary, ınvestorlar men ǵylymı top ókilderi bar.
AIF2025-ke qatysýdy rastaǵandar:
Pol Kagame – Rýanda Respýblıkasynyń Prezıdenti; Edı Rama – Albanııa Premer-mınıstri; Andreı Plenkovıch – Horvatııa Respýblıkasynyń Premer-mınıstri; Mýhammed bın Abdýlrahman Al-Tanı – Premer-mınıstr-Katar Syrtqy ister mınıstri; Pan Gı Mýn – BUU 8-Bas hatshysy, Green Global Growth Institute tóraǵasy, «Boao Forum for Asia» dırektorlar keńesiniń tóraǵasy; Alen Berse – Eýropa Keńesiniń Bas hatshysy; Sıýı Dýnıýı – BUU Azyq-túlik jáne aýyl sharýashylyǵy uıymynyń bas dırektory (FAO) Emı Poýp – Kóshi-qon jónindegi halyqaralyq uıymnyń bas dırektory (IOM); Matıas Kormann – EYDU bas hatshysy; Daren Tang – Zııatkerlik menshik jónindegi dúnıejúzilik uıymnyń bas dırektory; Antonella Bassanı – Eýropa jáne Ortalyq Azııa aımaǵy boıynsha dúnıejúzilik banktiń vıse-prezıdenti; Haolıan Sıýı – BUU bas hatshysynyń orynbasary jáne Damý baǵdarlamasy ákimshisiniń orynbasary; Szın Lısıýn – Azııa ınfraqurylymdyq ınvestısııalar bankiniń (AIIB) prezıdenti jáne dırektorlar keńesiniń tóraǵasy; Iýrgen Rıgterınk – EQDB birinshi Vıse-prezıdenti; Kýbanychbek Omýralıev – Túrki memleketteri uıymynyń bas hatshysy; Sebastıan Kýrs – Avstrııanyń 26-Federaldyq kansleri.Bıyl AIF jahandyq kún tártibindegi negizgi úsh baǵytqa nazar aýdarady:
Syrtqy saıasat jáne halyqaralyq qaýipsizdik; Energetıka jáne klımattyń ózgerýi; Ekonomıka jáne qarjy;Astana halyqaralyq forýmy 2025 ınvestısııa úshin jahandyq básekelestik dáýirinde ótkizilip, Qazaqstannyń álemge ashyqtyǵyn kórsetedi. Bizdiń elimiz iri álemdik korporasııalar men qarjy ınstıtýttarynyń nazaryn aýdara otyryp, Ortalyq Azııadaǵy óz pozısııasyn nyǵaıta túsýde. Aýqymdy reformalar, zańnamany jańǵyrtý men ınvestısııalyq ahýaldy jaqsartý eldiń damýyna jáne onyń ekonomıkalyq múmkindigin keńeıtýge yqpal etedi. Forýmnyń mindeti – ashyq dıalog pen sheteldik kapıtal tartýdyń, strategııalyq kelisimder jasasý men ekonomıkalyq damýǵa arnalǵan bastamalardy ilgeriletý úshin mańyzdy platforma bolý.
AIF2025 qarsańynda elimizdiń negizgi áriptesterimen ekonomıkalyq baılanystardy nyǵaıtýǵa arnalǵan birqatar bıznes-forýmdar josparlanǵan:
Qazahstan-Fransııa bıznes-forýmy (2025 jylǵy 28 mamyr) Qazahstan-Italııa bıznes-forýmy (2025 jylǵy 28 mamyr)Bul is-sharalar halyqaralyq yntymaqtastyq, tehnologııa almasý jáne birlesken ınvestısııalyq jobalardy iske asyrý úshin jańa múmkindik bermek.