Búgin dáriger men feldsherden turatyn Ulttyq shuǵyl medısınany úılestirý ortalyǵynyń mobıldik medısınalyq avıasııa brıgadasy «Alaman Air» áýekompanııasynyń alǵashqy jańa Bombardier Challenger CL-600-2B19 ushaǵymen pasıentke Ońtústik Koreıaǵa ushyp ketti, dep habarlaıdy Egemen.kz.
Jańa týrboreaktıvti mamandandyrylǵan ushaq aýyr jaǵdaıdaǵy pasıentterdi alyp júrýge arnalǵan eki medısınalyq modýlmen jabdyqtalǵan. Seýlde emdelip jatqan júreginde aqaýy bar sábı osy sanavıasııamen elge jetkiziledi.
Bul reıs qaýipsizdik pen jaılylyqtyń joǵary deńgeıin qamtamasyz etetin eń jańa áýe kemesin paıdalaný arqyly adamdardyń ómirin saqtaýdaǵy mańyzdy qadam boldy.
Týa bitken júrek kemistigi dıagnozy qoıylǵan 4 jasar bala Ulttyq pedıatrııa jáne balalar hırýrgııasy ortalyǵynda (Almaty) odan ári emdelýi tıis.