AQTAÝ. 11 aqpan. «QazMunaıGaz» UK» AQ-ta Aqtóbe jáne Mańǵystaý oblystarynyń gazben jabdyqtaý jelilerin gazdandyrý, jańǵyrtý jáne qaıta jóndeý boıynsha uzaqmerzimdi jáne tıimdi yntymaqtastyq týraly 2 memorandýmǵa qol qoıyldy. Bul týraly egemen.kz tilshisi habarlady.
«QazTransGaz» AQ memorandýmǵa sáıkes Mańǵystaý oblysynda Qazaqstan Respýblıkasyn 2030 jylǵa deıingi gazdandyrýdyń bas syzbasy aıasynda jańa gaz jelilerin, joǵary, orta, tómen qysymdy gaz qubyrlaryn, Jańaózen qalasynda 3 AGTS ornatyp, joǵary qysymdy gaz qubyryn, AGTS ornata otyryp, «Okarem-Beıneý» magıstraldyq gaz qubyrynan Shetpe aýylyna deıin kentaralyq, jerasty joǵary, ortasha qysymdy gaz qubyrlaryn salý kózdelgen. Onyń ishinde gaz taratý júıesin jańǵyrtýǵa 20,0 mlrd. teńge qarastyrylǵan.
Mańǵystaý jáne Aqtóbe oblystarynyń ákimdikteri memorandýmǵa sáıkes jer telimderin bólip, tıisti ruqsat berý qujattaryn ázirleıdi. Sodan keıin «QazTransGaz» AQ-qa tehnıkalyq ekonomıkalyq negizdeme men jobalyq-smetalyq qujattama beriledi. «QazTransGaz» AQ jobalary uzaqmerzimdi ınvestısııalyq baǵdarlama arqyly iske asyrylmaq. Jalpy alǵanda Mańǵystaý oblysy tolyq gazben qamtamasyz etilgen, áıtse de keıbir gaz taratý jelileri jańǵyrtýdy qajet etedi. Sondaı-aq, aımaqta jańadan boı kótergen turǵyn úıler men áleýmettik nysandardy gaz jelilerine qosý qajet. Memorandýmda qaralǵan 33 mlrd. teńgeniń 20 mlrd. teńgesi jańǵyrtý jumystaryna jumsalsa, qalǵany jańa áleýmettik nysandardy gazben qamtamasyz etýge arnalmaq.
Gúlaıym Shyntemirqyzy.
Derek: egemen.kz.
Sýret: «QazAqparat».