AQSh prezıdenti Donald Tramp Irannyń atom bombasyn jasaýyna jol bermeý maqsatynda eki el arasynda tikeleı kelissózder bastalǵanyn málimdedi, dep habarlaıdy Egemen.kz The Guardian basylymyna silteme jasap.
Aq úıde Izraıl premer-mınıstri Bınıamın Netanıahýmen kezdesý kezinde Tramp kelissózderdiń senbi kúni ótetinin, biraq olardyń shyn máninde áldeqashan bastalyp ketkenin aıtqan.
Aıta keteıik, AQSh prezıdenti kelissózderdiń qaıda ótetinin jáne kimderdiń qatysatynyn naqtylamaǵan.
«Eger Iranmen kelissózder sátsiz aıaqtalsa Iran úlken qaýipke tap bolady. Muny aıtý maǵan unamaıdy, biraq olardyń ıadrolyq qarýǵa ıe bolýyna jol berilmeıdi», dedi Donald Tramp.
Izraıl premer-mınıstri Bınıamın Netanıahý Irandy Izraıl úshin ekzıstensıaldy qaýip dep esepteıdi jáne ıadrolyq qarý jasaýǵa jol ashýy múmkin kez kelgen kelisimge qarsy ekenin bildirip keledi.