Mergen qyzdyń 100 jyldyǵyna oraı, onyń ómiri alǵash ret mýzykalyq pesa bolyp óriledi. Bul týraly Aqtóbe oblysy ákimdiginiń baspasóz qyzmeti habarlady, dep jazady Egemen.kz.
Álııa Moldaǵulovanyń jarqyn beınesi jan-jaqty jetkiziletin mıýzıklde erekshe obrazdyń biri – «Ajal» keıipkeri batyrdyń taǵdyrymen betpe-bet kelip, onyń rýhyn synaý arqyly kórsetiledi. Tarıhı bıografııalyq kóriniste qarshadaı qyzdyń qaısarlyǵy, Otanǵa mahabbaty dramalyq tartystarmen berilip, áserli dıalog tásilderimen jetkiziledi.
Jańa mıýzıkldiń qoıýshy rejısseri – Eslám Nurtazın. Álııanyń rólin Ajar Járdenbekqyzy jáne Fatıma Berdibekova somdaıdy.
Mıýzıkl kórermenge 7 mamyrda jol tartady.