Bul baıqaýdyń jóni bólek

2008 jyldan beri turaqty túrde ótki­zilip kele jatqan baıqaýdyń basty maqsaty halyqaralyq shyǵarmashylyq ynty­maqtastyqty damytý men ny­ǵaı­týǵa, horeografııalyq oqý oryndary ara­syndaǵy tájirıbe almasýǵa, jas daryndardy anyqtaýǵa, oryndaýshylyq sheberlikti arttyrýǵa jáne klassıkalyq, halyqtyq ári zamanaýı bı dástúrlerin damytýǵa baǵyttalǵan.

– «О́rleý» – jaı ǵana saıys emes, tá­ji­rıbe almasý men kásibı damýdyń mańyzdy alańy. Jyl saıyn baıqaýǵa qatysýshylar sany artyp, halyqaralyq sarapshylardyń nazaryna ilinip keledi. Bıylǵy baıqaý segiz eldiń ókilderin biriktirdi. «О́rleýdiń» Ha­lyqaralyq balet baıqaýlary federasııasyna múshe bolýy onyń joǵary már­tebesin rastaıdy. Qatysýshylarǵa bul óz she­ber­­likterin kórsetýge, qundy pikirler alýǵa jáne kásibı mansapta mańyzdy qadam ja­saýǵa múmkindik beredi, – dep atap ótti A.Se­leznıov atyndaǵy Almaty horeografııa ýchılıshesiniń dırektory mindetin at­qarýshy Murat Túkeev.

Baıqaýǵa qatysýshylar tek tehnı­kalyq sheberligin ǵana emes, bı arqyly tereń oı, jan qatparyna jasyrynǵan túrli sıqyrly sezim men eliktiretin tyń qozǵalys elementterin kórsetti. Kórermender ár qoıylymnan tabıǵat kóri­nisteri men adam bolmysyn beıne­leıtin názik obrazdardy kórip, rýhanı áser aldy.

Balet óneriniń bedeldi tulǵalarynan quralǵan qazylar alqasy – Qazaqstannyń halyq ártisi, Abaı atyndaǵy Qazaq ult­tyq opera jáne balet teatry balet trýppasynyń kórkemdik jetekshisi Gúl­jan Tútkibaeva (Qazaqstan), Horeo­grafııa qaıratkerleriniń halyq­ara­lyq odaǵynyń birinshi vıse-pre­zı­denti Sergeı Ýsanov (Reseı), Túrkııa memlekettik opera jáne balet teatr­larynyń bas dırektory jáne kórkemdik jetekshisi Bedrı Tan Sagtıýrk (Túrkııa), Reseı jáne Qazaqstannyń eńbek sińirgen ártisi, halyqaralyq baı­­qaýlardyń laýreaty Iýrıı Vasıý­chenko (Reseı), «Ballet & Model AI» kompanııasynyń jetekshisi, Koreıa balet qaýymdastyǵy Qamqorshylyq keńesiniń vıse-prezıdenti Choı Chjýnsok (Ońtústik Koreıa), Reseıdiń eńbek sińirgen óner qaıratkeri, «Balet» jýrnalynyń bas redaktory Valerııa Ýralskaıa (Reseı), Qazaqstannyń eńbek sińirgen qaırat­keri, «Samruk» zamanaýı bı teatry­nyń negizin qalaýshy jáne kórkemdik jetekshisi Gúlnara Adamova (Qazaqstan), ónertaný ǵylymdarynyń kandıdaty, «Gúlder» ansambliniń bas baletmeısteri Anvara Sadyqova (Qazaqstan) bıylǵy baıqaý qatysýshylarynyń ónerine baǵa berdi. Nátıjesinde, «Klassıkalyq bı» boıyn­sha Ońtústik Koreıanyń qyzdary, «Zamanaýı bıden» reseılik Popova men T.Savvınov dýeti, al «Halyq bıinen» ózbekstandyq Shahlo Ýmarova I orynǵa laıyq dep tanyldy.

2019 jyly «О́rleý» baıqaýy Halyq­aralyq balettik baıqaýlar federa­sııasynyń tolyqqandy múshesi retinde IýNESKO tizimine engizildi. Bul baıqaý­dyń halyqaralyq mádenı keńistiktegi bedelin aıqyndaıtyn mańyzdy jetistik.

Baıqaý barysynda qatysýshylarǵa kásibı sheberlik sabaqtary ótkizilip, shyǵarmashylyq pikir almasýlar uıym­dastyryldy. Bul jas bıshilerdiń tek sahnada ǵana emes, óner ortasynda óz ornyn belgileýi úshin taptyrmas múm­kindik. Jeńimpazdar úsh atalym boıyn­sha anyqtalyp, dıplomdarmen jáne aqshalaı syılyqtarmen marapattaldy. «О́rleý» baıqaýy bı ónerine qanat bi­tirip qana qoımaı, halyqaralyq dostyq pen mádenı baılanystyń altyn kópirine aınalyp otyr.

Baıqaý Mádenıet jáne aqparat mınıstrliginiń qoldaýymen jáne Al­maty horeografııalyq ýchılıshesiniń uıym­dastyrýymen ótti.

ALMATY