Jýrnalıstıka salasynyń belgili ókili, «Vremıa» gazetiniń bas redaktory Lev Tarakov 58 jasynda dúnıeden ozdy, dep habarlaıdy Egemen.kz.
Lev Tarakov 1988 jyly Kıevtegi joǵary áskerı-teńiz saıası ýchılıshesin támamdaǵan. Eńbek jolyn Soltústik flotta ofıser-saıası qyzmetker retinde bastaǵan.
Keıingi jyldary baspa jáne buqaralyq aqparat salasynda túrli jaýapty qyzmette bolǵan. Atap aıtqanda, mınıstrlikte jetekshi maman, basqarma bastyǵynyń orynbasary jáne bas basqarma jetekshisi qyzmetterin atqarǵan.
Ol kásibı eńbegi úshin «Qurmet» ordenimen, sondaı-aq «Astana», «Qazaqstan Respýblıkasynyń táýelsizdigine 10 jyl» merekelik medaldarymen marapattalǵan.