2025 jyldyń 31 naýryzynan 4 sáýirine deıin Batys Qazaqstan oblysynda dinı ekstremızmniń aldyn alý jáne dástúrli rýhanı-adamgershilik qundylyqtardy nasıhattaý maqsatynda birqatar is-sharalar uıymdastyryldy. Bul jumystar Mádenıet jáne aqparat mınıstrligi Din isteri komıtetiniń arnaıy jobasy aıasynda jáne oblystyq din isteri basqarmasynyń qoldaýymen júzege asyryldy, dep habarlaıdy Egemen.kz.
Atalǵan is-sharalar barysynda respýblıkalyq aqparattyq-túsindirý tobynyń músheleri – teologtar men dintanýshylar aımaq turǵyndarymen kezdesip, birqatar semınarlar men aqparattyq kezdesýler ótkizdi.
Is-sharalardyń basty maqsaty – qoǵamda dinı saýattylyqty arttyryp, radıkaldy ıdeologııaǵa qarsy ımmýnıtet qalyptastyrý boldy
Onda Oral qalasynyń din zertteý ortalyǵynyń bólim basshysy Abdývahıd Babahanov, sarapshy-psıholog Lola Shakımova, Astana qalasyndaǵy Dinderdi zertteý ortalyǵynyń teolog mamany Arman Nurahmetuly, H.Dosmuhamedov atyndaǵy Atyraý ýnıversıtetiniń aǵa oqytýshysy, dintanýshy Ernar Abzaluly dáris oqydy.
Oral qalasy jáne Jańaqala, Bórli, Qaratóbe, Tasqala aýdandarynda ótken kezdesýlerge ártúrli áleýmettik toptar – mektep oqýshylary, kolledj stýdentteri, ustazdar, jumyssyzdar, ózin-ózi jumyspen qamtyǵan azamattar men áleýmettik osal top ókilderi qatysty.
Kezdesýler barysynda «Teris ıdeologııaǵa qarsy synı oılaý daǵdylaryn qalyptastyrý», «Jastar arasynda medıa saýattylyqty arttyrý», «Destrýktıvtik dinı aǵymdardyń taralýyn aldyn alý» sııaqty ózekti taqyryptar qozǵaldy.