Qasym-Jomart Toqaevqa ındýstrıaldy aımaqta jalpy ınvestısııa somasy 44,5 mıllıard teńge bolatyn 33 kásiporyn ashylǵany jóninde baıandaldy, dep habarlaıdy Egemen.kz.
Sonymen qatar munda qosymsha 800-ge jýyq jumys ornyn qamtamasyz etetin 9 ınvestısııalyq joba iske asyryla bastady.
Memleket basshysy jeńil ónerkásip, mashına jasaý, qurylys jáne jıhaz óndirisiniń ónimderi qoıylǵan kórmemen tanysty.
Sondaı-aq Prezıdentke Aksa Enerji Üretim A.Ş kompanııasynyń ınvestısııalyq quny 350 mıllıard teńge bolatyn bý-gaz elektr stansasynyń qurylysy týraly málimet berildi.
Budan keıin Qasym-Jomart Toqaev TMD naryǵyna avtotransformatorlar, maımen isteıtin kúshtik transformatorlar men reaktorlar shyǵaratyn Asia Trafo zaýytynyń óndiristik jelisin aralap kórdi.