Jýyrda Petropavldaǵy eń iri Dostyq mall saýda oıyn-saýyq ortalyǵynda polısııa departamentiniń úrmeli aspaptar orkestri men mádenı ortalyqtyń vokaldyq toby turǵyndardy mýzykalyq shyǵarmalarmen qarsy aldy.
Baǵdarlamada soǵys jyldarynyń áýender, zamanaýı patrıottyq ánder, estradalyq klassıkalyq týyyndylar shyrqaldy. Barlyq jastaǵy adamdar «Jeńis kúni», «Onynshy desanttyq batalon» ánderin jáne balalyq shaqtarynan jaqsy tanys basqa da áýenderdi oryndaǵan ártisterge qosylyp, shyrqap ketti. Eń sońynda ártister men turǵyndar soǵys qurbandaryn bir mınýt únsizdikpen eske alyp, vokaldyq toptyń barlyq ónerpazdary birigip áıgili «Jeńis Kúni» ánin oryndady.
«Atalarymdy eske alyp, kózimizge jas keldi. Osyndaı tamasha konsert úshin rızashylyǵymyzdy bildiremiz», - dedi turǵyndar.