Qytaı ǵalymdary gıdrosorǵysh materıal oılap tapty. Bul zat aýadaǵy ylǵaldy sińirip, kúnniń jylýy arqyly sýdy ózdiginen bóle alady.
Jańa materıal aýanyń ylǵaldylyǵy 80% bolsa, 4,21 gramm sý sińire alady. Ol sýdy bólip shyǵarý úshin qarapaıym sýdy býlandyrýǵa ketetin energııanyń nebári 60%-yn ǵana qajet etedi. Sonymen qatar ashyq dalada bir sharshy metr materıal kúnine 6,29 lıtrge deıin taza sý óndiredi. Eń bastysy – bul úderis kúndiz eshqandaı qurylǵysyz, avtomatty túrde júredi. Ǵalymdar bul jańalyqty ekologııalyq taza ári tıimdi sheshim retinde qarastyryp otyr.