QR Premer-mınıstri Oljas Bektenovtiń tóraǵalyǵymen ótken Úkimet otyrysynda órt qaýpi joǵary kezeńge daıyndyq máselesi qaraldy, dep habarlaıdy Egemen.kz.
Premer-mınıstr ákimdikterdiń nazaryn órt sóndirý kezinde jedel áreket etip, ózara is-qımyl boıynsha memlekettik organdardyń jańa is-qımyl algorıtmin engizý qajettigine aýdardy.
Sonymen qatar Oljas Bektenov О́rt sóndirý kezinde shuǵyl áreket etip, tıisti kúshterdi jumyldyrý úshin jańadan Memlekettik organdardyń is-qımyl algorıtmi ázirlengenin atap ótti.
«Alaıda bıyl Pavlodar jáne Abaı oblystarynda bolǵan tabıǵı órt bul algorıtmniń oryndalmaı otyrǵanyn kórsetti. Mysaly, Abaı oblysynda orman sharýashylyǵy mekemeleriniń qyzmetkerleri órtke qarsy shuǵyl qımyldaý bylaı tursyn, tipti Tótenshe jaǵdaılar, Ishki ister jáne Qorǵanys mınıstrlikterine órttiń shyqqany týraly tez arada habar da bermegen. Pavlodar oblysynda da dál osyndaı jaǵdaı oryn aldy. Ekologııa, Tótenshe jaǵdaılar jáne Ishki ister mınıstrlikterine osy eki óńirdegi órttiń shyǵý sebepterin tekserip, tıisti sharalar qabyldaýdy jáne kinálilerdi anyqtap, jaýapkershilikke tartýdy tapsyramyn», dedi Úkimet basshysy.