Aqtóbe qalasynda 110, al eldi mekenderde 56 dárigerlik oryn bos tur. Byltyr aýyldarǵa jiberilgen 15 mamanǵa 3 mln teńge, 25 mamanǵa 8,5 mln teńge kóleminde áleýmettik kómek kórsetildi. Bul jóninde oblys ákimi Ashat Shaharovtyń tóraǵalyǵymen ótken jıynda densaýlyq saqtaý basqarmasynyń basshysy Erlan Sultangereev baıandady, dep habarlaıdy Egemen.kz.
Qazirgi kezde óńirde memlekettik 38 emdeý mekemesi tirkelse, bıyl 761 myńnan astam turǵyn medısınalyq saqtandyrý arqyly dárigerlik kómek alady. Jyl basynda naýqastardy tegin dári-dármekpen qamtamasyz etýge respýblıkalyq bıýdjetten 9,2 mlrd teńge, jergilikti bıýdjetten 549 mln teńge bólindi. Jaǵymdy jańalyq –osy jyly paıdalanýǵa beriletin 23 medısınalyq nysannyń 15-i jańadan salynyp jatsa, 8 nysanǵa kúrdeli jóndeý jumystary júrgiziledi. О́ńir basshysy oblys ortalyǵyndaǵy kúrdeli jóndeýge kelmeıtin, ábden tozǵan ǵımarattarda otyrǵan medısına mekemeleriniń oryndaryn aýystyrýdy qolǵa alýdy tapsyrdy.