Á.Mámbetov atyndaǵy memlekettik drama jáne komedııa teatrynda Qazaqstannyń eńbek sińirgen qaıratkeri, 2019–2023 jyldary mádenıet vıse-mınıstri qyzmetin atqarǵan Nurǵısa Dáýeshovtiń «Tıek» atty shyǵarmashylyq keshi ótti.
Memlekettik qyzmette júrse de, bekzat ónerden qol úzbegen Nurǵısa Dáýeshov shyǵarmashylyq keshinde kúı atasy Qurmanǵazynyń «Aman bol, sheshem, aman bol», «Kókala at», «Baıjuma», «Tóremurat», Mahambettiń «Jumyr qylysh», Nurǵısa Tilendıevtiń «Aqqý», Tuıaqberdi Shámelovtiń «Qalı-Mámen – kúmbir kúı», Qyrymgereı Qajymovtyń «Jaıyq tolǵaýy», Qarshyǵa Ahmedııarovtyń «Kútkende» sekildi shyǵarmalaryn oryndap, kópshiliktiń kóńilin demedi.
О́ner ıesi ár kúıdiń shyǵý tarıhyna toqtalyp, áńgimesin óziniń mádenıet salasynda kórgen-bilgen este qalarlyq erekshe sátterimen tuzdyqtaı bildi. Kúı keshinde E.Rahmadıev atyndaǵy Memlekettik akademııalyq fılarmonııanyń Kameralyq horynyń súıemeldeýimen Tólegen Mombekovtyń áıgili «Saltanat» kúıi alǵash ret partıtýra nusqasynda oryndaldy.
Nurǵısa Dáýeshovti qoldaı kelgen ónerdegi qanattas dostary da halyqtyń qoshemetine bólendi. Atap aıtqanda, kúıshiler Batyrjan Myqtybaev pen Abaı Qoıshybaev, Batys Qazaqstan oblystyq fılarmonııasynyń ánshileri Dastan Esentemirov pen Ernar О́miráli, Ulttyq ulan án-bı ansambliniń solısi Ashat Ámirǵalı, qumdy anımasııa óneriniń sheberi Aıjan Jarkeshova, kúı aıtysqa shyqqan qyrǵyzdyń mádenıet qaıratkeri Gúlshat Talaıbekova jurtshylyqtyń ystyq yqylasyna ıe boldy.