Aıda da «jer» silkinedi. Ǵalymdar buny «aısilkinis» dep ataıdy.
«Aı – tynysh, óli dene» degen eski uǵymdy «NASA» ǵaryshkerleri baıaǵyda joqqa shyǵarǵan. 1969–1972 jyldar aralyǵynda «Apollo» mıssııasy aıasynda Aı betine tórt birdeı seısmograf ornatylǵan. Olar birneshe jyl boıy derek jınap, tańǵalarlyq jańalyq ashty. Aıda da silkinis bolady eken. Bul silkinisterdiń keıbiri 10 mınýtqa deıin sozylady. Jer silkinisinen aıyrmashylyǵy – Aıda aýa da, sý da joq, sondyqtan diril birden basylmaı, uzaq ýaqyt shaıqalyp turady.