2014 jylǵy 22 tamyz, Astana qalasy
Sottalǵandardy jazasyn óteý úshin qylmystyq-atqarý júıesiniń mekemelerine jiberý qaǵıdasyn bekitý týraly
Qazaqstan Respýblıkasynyń 2014 jylǵy 5 shildedegi Qylmystyq-atqarý kodeksiniń 16-babynyń 4) tarmaqshasyna sáıkes, buıyramyn:
1. Qosa berilip otyrǵan Sottalǵandardy jazasyn óteý úshin qylmystyq-atqarý júıesiniń mekemelerine jiberý qaǵıdasy bekitilsin.
2. Qazaqstan Respýblıkasy Ishki ister mınıstrliginiń Qylmystyq-atqarý júıesi komıteti (B.M. Berdalın):
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi jáne ony keıinnen resmı jarııalaýdy;
2) osy buıryqty belgilengen tártipte «Ádilet» aqparattyq quqytyq júıesine jáne resmı aqparattyq buqaralyq quraldaryna jarııalaýdy;
3) osy buıryqty Qazaqstan Respýblıkasy Ishki ister mınıstrliginiń ınternet-resýrsyna ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń orynbasary polısııa polkovnıgi B.B. Bısenqulovqa jáne Qazaqstan Respýblıkasy Ishki ister mınıstrliginiń Qylmystyq-atqarý júıesi komıtetine (B.M. Berdalın) júktelsin.
4. Osy buıryq jarııalanýǵa jatady jáne 2015 jylǵy 1 qańtardan bastap engiziledi.
Mınıstr polısııa general-leıtenanty Q.QASYMOV.
Qazaqstan Respýblıkasy Ishki ister mınıstriniń
2014 jylǵy 22 tamyzdaǵy №551 buıryǵymen bekitildi
Sottalǵandardy jazasyn óteý úshin qylmystyq-atqarý júıesiniń
mekemelerine jiberý qaǵıdalary
Jalpy erejeler
1. Osy sottalǵandardy jazasyn óteý úshin qylmystyq-atqarý júıesiniń (budan ár – QAJ) mekemelerine jiberý qaǵıdalary Qazaqstan Respýblıkasy Qylmystyq-atqarý kodeksiniń (budan ári – QAK) 90-babynyń talaptaryna sáıkes sottalǵandardy QAJ mekemelerine (budan ári – mekemeler) jazasyn óteý úshin jiberý tártibin aıqyndaıdy.
2. Bas bostandyǵynan aıyrýǵa sottalǵandardy jazasyn odan ári óteý úshin Qazaqstan Respýblıkasy Ishki ister mınıstrligi Qylmystyq-atqarý júıesi komıtetiniń (budan ári – QAJ komıteti) jazbasha nusqaýy (narıadtary) negizinde júzege asyrylady. qaýipsizdigi aralas mekemeden mekemege jiberý tek QAJ komıtetiniń nusqaýlary boıynsha júzege asyrylady.
3. Bas bostandyǵynan aıyrýǵa sottalǵandar olardyń túzelýine qajetti jaǵdaılardy, áleýmettik paıdaly baılanystardy ustaýdy, qaýipsizdikti qamtamasyz etýdi jáne olardyń jańa quqyq buzýshylyqtar jasaýynyń aldyn alýdy eskere otyryp, mekemege jiberiledi.
4. Sottalǵandy jazasyn óteý úshin basqa oblystyń tıisti rejım túrindegi mekemesine jiberý QAK-nyń 88-babynyń 3-bóliginde kózdelgen jaǵdaılarda QAJ ýákiletti organynyń sheshimi boıynsha ruqsat beriledi.
5. QAK-nyń 17-babynyń 2-tarmaǵyna sáıkes QAJ-dyń aýmaqtyq organdary sottalǵandardy qylmystyq-atqarý júıesiniń ýákiletti organy aýmaqtyq organǵa bekitken mekemelerge jiberedi.
6. Sottalǵandardy mekemelerge jiberý QAJ komıtetiniń nusqaýlary (narıadtary) boıynsha júzege asyrylady.
7. QAJ komıtetiniń nusqaýlary (narıadtary) boıynsha mekemelerge jiberilgen sottalǵandar odan ári onyń (QAJ komıtetiniń) ruqsatynsyz basqa mekemelerge jiberile almaıdy.
8. QAJ komıtetiniń nusqaýlaryn (narıadtaryn) QAJ komıtetiniń arnaıy esepke alý bólimi daıyndaıdy jáne QAJ-dyń aýmaqtyq organdaryna oryndaý úshin joldanady.
9. Nusqaýlarǵa (narıadtarǵa):
1) QAJ komıtetiniń tóraǵasy (nemese onyń mindetin atqarýshy adam);
2) QAJ komıteti tóraǵasynyń orynbasarlary qol qoıady.
10. Asa aýyr qylmys jasaǵany úshin bes jyldan asa merzimge sottalǵan adamdar, túrmede jazasyn óteı otyryp, qylmystyń qaýipti qaıtalanýy, sondaı-aq ólim jazasy týraly úkimi marotorıı engizgenge deıin kúshine engen nemese ólim jazasyn oryndaǵanǵa deıin maratorıdiń áreketi kezinde adamdar tolyq qaýipsiz mekemelerge jiberiledi.
11. Sottalǵandar tolyq, ortasha qaýipsiz jáne barynsha qaýipsiz mekemelerden qaýipsizdigi barynsha tómen mekemelerge áleýmettik paıdaly baılanystardy ustaný úshin qajetti jaǵdaılardy eskere otyryp, QAJ komıtetiniń nusqaýlary negizinde jiberiledi.
12. Qaýipsizdigi barynsha tómen mekemelerde jazany óteýdiń belgilengen tártibin buzǵan jaǵdaıda sottalǵandar olar kelgen mekemege jiberiledi.
13. Qylmystyń qaýipti qaıtalanýy, ómir boıyna bas bostandyǵynan aıyrýǵa, ólim jazasy túrindegi jazasy keshirim jasaý tártibinde bas bostandyǵynan aıyrýmen aýystyrylǵan jazalaryn tolyq qaýipsiz mekemede óteýge sottalǵandar, sottalǵan áıelder, kámeletke tolmaǵan sottalǵandar tıisti mekemelerdiń ornalasqan jeri boıynsha jazasyn óteý úshin jiberiledi.
14. Teris minezdeletin kámeletke tolmaǵan jáne jazany óteý kezeńinde on segiz jasqa tolǵan sottalǵandar sot qaýlysyna sáıkes kámeletke tolmaǵandardy ustaýǵa arnalǵan ortasha qaýipsiz mekemelerden olar bekitýge sáıkes tıisti rejım túrindegi mekemege odan ári jiberý úshin kelgen qaýipsizdigi aralas mekemege jiberiledi.
On segiz jasqa tolǵan bas bostandyǵynan aıyrýǵa sottalǵandar olardyń kelisimimen, biraq olar jıyrma jasqa tolǵanǵa deıin ǵana mekemede qaldyrylýy múmkin. On segiz jasqa tolǵan bas bostandyǵynan aıyrýǵa sottalǵandardy mekemede qaldyrý týraly sheshimdi mekeme bastyǵynyń usynymy negizinde sot qabyldaıdy.
15. Sottalǵandardy jazasyn óteý úshin qaýipsizdigi aralas mekeme ákimshiligi kúntizbelik on kúnnen keshiktirmeı zańdy kúshine engen úkimdi oryndaý týraly sot ókimin alǵan kúnnen bastap jiberedi.
16. Qaýipsizdigi aralas mekeme ákimshiligi eki jumys kúni ishinde sottalǵannyń tańdaýy boıynsha jubaıyna (zaıybyna) ne týysqandarynyń birine ne ózge adamǵa ony jazasyn óteý úshin qaıda jiberiletini týraly jazbasha habarlama jiberýge mindetti.
17. Bas bostandyǵynan aıyrýǵa sottalǵandar jazany óteýdiń bir ornynan ekinshisine aıdaýylmen aýystyrylady.
Buıryq Qazaqstan Respýblıkasynyń Ádilet mınıstrliginde 2014 jylǵy 26 qyrkúıekte Normatıvtik quqyqtyq kesimderdi memlekettik tirkeýdiń tizilimine №9759 bolyp engizildi.