Álemge aty tanylǵan ánshi Dımash Qudaıbergen jaqynda Stranger konserti elimizdiń kınoteatrlarynan kórsetile bastaıtynyn jarııalady, dep habarlaıdy Egemen.kz.
Bul týraly ánshi Instagram-daǵy paraqshasynda jazdy.
- Qurmetti dostar! 27 mamyrda Qazaqstannyń barlyq kınoteatrlarynda STRANGER jeke konsertimniń premerasy ótedi! Bul kúni men de sizdermen birge tamashalaımyn! Jaqynda Almatyda kezdeskenshe, Dears, - dep jazdy ol jelide.
Bul jańalyqty ánsúıer qaýymy qýana qabyldady.
Buǵan deıin habarlanǵandaı, 26 mamyrda Almaty Astana stadıonynda qazaqstandyq ánshi "D and Dears" fan-kezdesýin ótkizedi. Atalǵan is-shara Dımashtyń týǵan kúnine oraılastyrylǵan.