AQSh-tyń Mıchıgan shtatynda 13 jastaǵy Dıllon Rıvz esimdi oqýshy mektep avtobýsyn apattan qutqaryp qaldy.
Avtobýs júrgizýshisi kenet esinen tanyp qalǵan sátte, Dıllon dereý ornynan turyp, tejegishti basyp úlgergen. Avtobýsta on shaqty bala bolǵan. Qyzyǵy, ol balalardyń arasynda telefony joq jalǵyz oqýshy eken. Sol sebepti aınalaǵa zer salyp, qaýipti der kezinde ańǵarǵan. Ákesi: «Qolynda telefony joq bala adamdarǵa qaraıdy, aınaladaǵy jaǵdaıdy baqylaıdy. Bul – ómirdi túsinýge kómektesetin, ony ózgertetin sabaq», deıdi.