Ulytaý oblysynda Jeńistiń 80 jyldyǵyna oraı otansúıgishtik, mádenı, áleýmettik jáne aqparattyq baǵytty qamtıtyn 200-den asa is-shara uıymdastyrylyp, ótip jatyr, dep jazady Egemen.kz.
Ulytaý oblysy boıynsha 394 tyl eńbekkeri bar. Merekede ardagerler men tyl eńbekkerlerine – 100 000 teńge (394 adam), soǵysta qaza tapqan jaýyngerlerdiń jesirlerine – 50 000 teńge (22 adam) birjolǵy áleýmettik kómek beriledi.
Jeńistiń 80 jyldyǵyna oraı oblysta 800 sarbaz áskerge attanady.
Jeńis mereıtoıyna arnalǵan 80 qaıyrymdylyqis-shara júrip jatyr.
Alǵash ret «Jas sarbaz» oblystyq, áskerı-patrıottyq jarysy uıymdastyrylyp, oǵan oblystaǵy mektepter men kolledjderdegi bilim alýshylar belsene qatysýda.
Mereıtoı aıasynda «Ardaǵym – ardagerim», «Meniń atam – jaýynger» syndy chellendjder uıymdastyrylyp, 1000-nan astam jastar ıgi isti qoldap áketti.
Oblystyń barlyq mádenıet mekemelerinde «Máńgilik ulyqtalar Uly Jeńis!» atty fotoqujat kórmesi, «Ǵıbratty ǵumyr» eske alý keshi, «Erlikke órilgen ómir» taǵzym keshteri, «Er esimi – el esinde» mýzeılik aksııasy jáne oqýshylar arasynda drama festıvali ótti. Jezdi mýzeıinde «Uly Jeńiske – 80 jyl» taqyrybynda kórmeler, «Meniń atam – maıdanger» atty onlaın beınejobalar, «Bizdiń batyr jerlester» kórmesi jáne oblystyq ámbebap kitaphanada taǵzym keshteri uıymdastyryldy.
Oblys ortalyǵynda mamyr aıynyń 6–9 kúnderi basty merekelik sharalar ótedi. 9 mamyrda «Máńgilik alaý» janynda jyljymaly kórme, «Jeńis jalaýyn jelbiretip…» teatrlandyrylǵan qoıylym, «Jýravlı» ánine horeografııalyq kompozısııa, gúl shoqtaryn qoıý rásimi, dalalyq ashana, merekelik konsert jáne otshashý uıymdastyrylady. Barlyq ardagerlerge «Uly Jeńistiń 80 jyldyǵy» mereıtoılyq medaldary tabystalady.
7 mamyrda ótetin respýblıkalyq paradqa Ulytaý oblysynan tyl eńbekkerleri, Aýǵan soǵysy jáne Chernobyl apatyna qatysýshylardan quralǵan delegasııa attanady.