Ulttyq ulannyń 6505 áskerı bóliminde sarbazdar úshin erekshe kezdesýlerdiń biri ótti. Bul joly ulandyq jaýyngerler Azııa chempıony, bokstan halyqaralyq dárejedegi sport sheberi Aıda Ábikeevamen júzdesip, onyń tabysty jolynan motıvasııa aldy, dep habarlaıdy Egemen.kz.
Is-sharanyń negizgi maqsaty — jas sarbazdardy rýhtandyrý, salaýatty ómir saltyn dáripteý jáne patrıottyq sezimdi arttyrý. Aıda Ábikeeva áskerı bólimge arnaıy kelip, óziniń sporttaǵy jolyn, jeńisterge jetý jolyndaǵy eńbek pen kúsh-jigerin bólisken.
О́z sózinde chempıon jeńiske jetýde tártip pen qajyrly eńbektiń aıryqsha mańyzyn atap ótti. Onyń aıtýynsha, sporttaǵy jáne ómirdegi sáttiliktiń kilti — óz isińe adal bolý, alǵa maqsat qoıyp, sol jolda tynymsyz eńbektený. Sportshynyń jigerli oılary men ómirlik tájirıbesi sarbazdarǵa úlken áser qaldyrdy.
Kezdesý erkin suhbat formatynda ótken. Jas jaýyngerler chempıonǵa erekshe qyzyǵýshylyqpen túrli suraqtar qoıyp, onyń kún tártibi, jattyǵý rejımi, jarystarǵa daıyndyǵy týraly maǵlumat aldy. Aıda óz kezeginde áskerı qyzmettiń mańyzyn atap ótip, sarbazdarǵa el tynyshtyǵyn qorǵaýda tabys tiledi.
Is-shara sońynda áskerı bólim basshylyǵy atynan Aıda Ábikeevaǵa alǵys hat pen estelik syılyqtar tabystaldy. Mundaı kezdesýler sarbazdardyń rýhyn kóterip, bolashaqqa degen senimin nyǵaıtatyny sózsiz.