Kóktemgi ýyldyryq shashý kezeńinde elimizdiń birqatar sý aıdyndarynda, sonyń ishinde Shyǵys Qazaqstan óńirinde balyq aýlaýǵa ýaqytsha tyıym salyndy. Bul týraly ShQO Tabıǵı resýrstar jáne tabıǵat paıdalanýdy retteý basqarmasy basshysynyń orynbasary Merhat Ámirov О́ńirlik kommýnıkasııalar qyzmeti alańynda málimdedi, dep habarlaıdy Egemen.kz.
Bul shekteý sharalary QR Aýyl sharýashylyǵy mınıstrliginiń Balyq sharýashylyǵy komıteti uıymdastyryp otyrǵan jyldaǵy «Ýyldyryq shashý» balyq qorǵaý aksııasy aıasynda júzege asyp otyr. Atap aıtqanda, Zaısan kólinde jáne Qaraqastan birinshi Batın shoqysyna deıingi Buqtyrma sý qoımasynyń kól-ózen bóliginde 16-sáýirden 30-mamyrǵa deıin, birinshi Batın shoqysynan Buqtyrma sý qoımasyna deıin Buqtyrma sý qoımasynyń tereń bóliginde 1-mamyrdan 15 maýsymdy qosa alǵandaǵy aralyqta balyq aýlaýǵa tyıym salynady.
Buǵan qosa, О́skemen sý qoımasynda, Ertis ózeni О́skemen sý elektr stansasynan Shúlbi sý qoımasyna deıin 10-mamyrdan 10-maýsymdy qosa alǵandaǵy, Shúlbi sý qoımasynda, Ertis ózeninde Shúlbi SES-nan Pavlodar oblysynyń ákimshilik shekarasyna deıin 16-sáýirden 30-mamyr aralyǵynda balyq aýlaýǵa bolmaıdy. Bul shekteýler tabıǵı kóbeıý úderisin saqtaý úshin engizilip otyr.
Mundaı keshendi sharalar Qazaqstandaǵy balyq sharýashylyǵyn júıeli damytýǵa baǵyttalǵan memlekettik saıasatpen tyǵyz baılanysty. Sebebi, tabıǵı sý aıdyndaryndaǵy balyq qory shekteýli bolǵandyqtan, qazirgi tańda memleket pen sala mamandary jasandy balyq ósirýge bet buryp otyr.
Osy maqsatta 2021–2030 jyldarǵa arnalǵan balyq sharýashylyǵyn damytý baǵdarlamasy qabyldanyp, nátıjesinde kóptegen sharýashylyqtar akva ósirýmen aınalysa bastady. Máselen, 2024 jyldyń ózinde Ertis basseıninde 2671 tonna taýarlyq balyq óndirilgen. Bul kórsetkish jyldan jylǵa artyp keledi.
Sonymen qatar, balyq sharýashylyǵymen aınalysatyn kásip ıelerine qarjylaı qoldaý kórsetilip keledi. Aýyl sharýashylyǵy mınıstrliginiń sheshimimen jańa jobalarǵa nemese qoldanystaǵylardy keńeıtýge arnalǵan kredıtter jyldyq 2,5% mólsherimen 10 jylǵa deıingi merzimge beriledi. Budan bólek, azyq, shabaq, dárilik preparattar, analyq balyq úıiri sııaqty qajetti resýrstardy satyp alýǵa ketken shyǵyndardyń 30-50%-yna deıingi bóligi sýbsıdııalanady.
Investısııalyq jobalarǵa qolaıly jaǵdaı jasaý maqsatynda arnaıy sý aıdyndary men ýchaskelerdi bekitip berý tártibi de qarastyrylǵan. Osylaısha, tabıǵı jáne jasandy sý qoımalarynda torly qorshaýlar ornatý arqyly balyq ósirý keńinen damyp keledi.
Shyǵys Qazaqstan oblysy