Ádette úıde ne murajaıda turatyn júzik, syrǵa, túrli áshekeıler – jaı ǵana jer qoınaýyndaǵy ken emes. Bular – ǵaryshtaǵy eki neıtron juldyzynyń soqtyǵysýynan paıda bolǵan metall.
Alyp juldyzdardyń joıylyp ketkennen keıingi qaldyǵy neıtron juldyzy dep atalady. Ol kishkentaı bolsa da, óte aýyr. Eger osyndaı eki neıtron juldyzy bir-birine jaqyndap, soqtyǵysatyn bolsa, aspanda naǵyz jarylys bolady. Ǵalymdar bul qubylysty «kılo-nova» dep ataıdy. Soqtyǵys kezinde altyn, platına, ýran, kúmis sııaqty baǵaly aýyr metaldar túziledi. Olardyń bir bóligi juldyzdyń ishinde qalyp, qalǵany ǵaryshqa shashyrap ketedi. Ǵalymdardyń esebinshe, bir soqtyǵystan Jerdiń massasynan on ese kóp altyn paıda bolady.