2014 jylǵy 8 qazan,Astana qalasy
Jeke kásipkerlik sýbektilerin qorǵaý men qoldaý salasyndaǵy táýekel dárejesin baǵalaý krıterıılerin bekitý týraly
«Jeke kásipkerlik týraly» 2006 jylǵy 31 qańtardaǵy Qazaqstan Respýblıkasy Zańynyń 15-babynyń 21) tarmaqshasyna jáne «Qazaqstan Respýblıkasyndaǵy memlekettik baqylaý jáne qadaǵalaý týraly» 2011 jylǵy 6 qańtardaǵy Qazaqstan Respýblıkasy Zańynyń 13-babynyń 3-tarmaǵyna sáıkes buıyramyn:
1. Qosa berilip otyrǵan jeke kásipkerlik sýbektilerin qorǵaý men qoldaý salasyndaǵy táýekel dárejesin baǵalaý krıterııleri bekitilsin.
2. Qazaqstan Respýblıkasy Ulttyq ekonomıka mınıstrliginiń Kásipkerlikti damytý departamenti:
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin jáne onyń «Ádilet» aqparattyq-quqyqtyq júıesinde jáne resmı buqaralyq aqparattyq quraldarynda resmı jarııalanýyn;
2) osy buıryqtyń Qazaqstan Respýblıkasy Ulttyq ekonomıka mınıstrliginiń resmı ınternet-resýrsynda jarııalanýyn qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Ulttyq ekonomıka vıse-mınıstri T.M. Jaqsylyqovqa júktelsin.
4. Osy buıryq alǵash resmı jarııalanǵan kúninen bastap kúntizbelik on kún ótken soń qoldanysqa engiziledi.
Mınıstr E.DOSAEV.
Qazaqstan Respýblıkasy Ulttyq ekonomıka mınıstriniń
2014 jylǵy 8 qazandaǵy №47 buıryǵymen bekitilgen
Jeke kásipkerlik sýbektilerin qorǵaý men qoldaý salasyndaǵy
táýekel dárejesin baǵalaý krıterııleri
1. Osy jeke kásipkerlik sýbektilerin qorǵaý men qoldaý salasyndaǵy táýekel dárejesin baǵalaý krıterııleri (budan ári – Krıterııler) tekseriletin sýbektilerdi táýekel dárejelerine jatqyzý jáne josparly tekseristerdi júrgizý úshin iriktep alý maqsatynda «Qazaqstan Respýblıkasyndaǵy memlekettik baqylaý jáne qadaǵalaý týraly» jáne «Jeke kásipkerlik týraly» Qazaqstan Respýblıkasynyń zańdaryna sáıkes ázirlendi.
2. Osy Krıterıılerde mynadaı uǵymdar paıdalanylady:
táýekel – tekseriletin sýbektiniń zańsyz qyzmetiniń nátıjesinde jeke kásipkerlik sýbektileriniń qyzmetine, múliktik jáne zańdy múddelerine zııan keltirýdiń yqtımaldylyǵy;
tekseriletin sýbektiler – jeke kásipkerlik sýbektileri qyzmetiniń salalarynda memlekettik baqylaý men qadaǵalaýdy, lısenzııalaýdy nemese basqa ruqsat etý qujattaryn berýdi, kásipkerlik qyzmetti nemese ózge is-áreketterdi, jeke kásipkerlik sýbektilerin memlekettik qoldaýdy júzege asyratyn zańdy tulǵalar, onyń ishinde memlekettik organdar.
3. Josparly tekserýlerdi júrgizý kezeńdiligi táýekel dárejesine baılanysty:
joǵary táýekel dárejesi kezinde – jylyna bir retten;
ortasha táýekel dárejesi kezinde – úsh jylda bir retten;
tómen táýekel dárejesi kezinde – bes jylda bir retten jıi emes kezeńdilikpen aıqyndalady.
4. Tekseriletin sýbektilerdi táýekel dárejeleri boıynsha bólý Krıterıılerdi eki kezeńge: bastapqy jáne keıingi bólý negizinde júzege asyrylady.
Bul rette, mundaı bólý tekseriletin sýbektilerdiń:
1) jeke kásipkerlik sýbektileriniń qyzmeti salalarynda memlekettik baqylaý men qadaǵalaýdy júzege asyrý;
2) lısenzııalaý nemese ózge ruqsat qujattaryn berý, kásipkerlik qyzmetti nemese ózge is-áreketterdi júzege asyrýǵa habarlama qabyldaý;
3) memlekettik qoldaýdy júzege asyrý tártibin saqtaýy máseleleri boıynsha bólek júzege asyrylady.
5. Bastapqy bólý táýekel dárejesin baǵalaýdyń obektıvti krıterııleriniń negizinde júzege asyrylady.
6. Tekseriletin sýbektilerdiń kásipkerlik qyzmetke túsetin ákimshilik júkteme dárejesin sıpattaıtyn kórsetkishteri táýekel dárejesin baǵalaýdyń obektıvti krıterııleri bolyp tabylady.
Ákimshilik júkteme dárejesin aıqyndaý úshin tekseriletin sýbektilerdiń kórsetkishteri joǵary, ortasha jáne tómen táýekel dárejesi toptary boıynsha mynadaı tártippen bólinedi:
joǵary táýekel dárejesi tobyna tekseriletin sýbektilerdiń jeke kásipkerlik sýbektilerine qatysty shaǵarylǵan teris sheshimderi boıynsha statıstıkalyq kórsetkishter jatady;
ortasha táýekel dárejesi tobyna tekseriletin sýbektilerdiń taldamalyq kórsetkishteri jatady;
tómen táýekel dárejesi tobyna tekseriletin sýbektilerdiń esepke alý sıpatyndaǵy statıstıkalyq derekteri jatady.
Tekseriletin sýbektilerdiń táýekel toptary boıynsha bólingen kásipkerlik qyzmetke túsetin ákimshilik júkteme dárejesin sıpattaıtyn kórsetkishteri osy Krıterıılerdiń 2-qosymshasyna sáıkes kestede kórsetilgen.
7. Tekseriletin sýbektilerdi táýekel dárejeleri boıynsha bastapqy bólý maqsatynda táýekel toptary boıynsha bólingen kásipkerlik qyzmetke túsetin ákimshilik júkteme dárejesin sıpattaıtyn tekseriletin sýbektilerdiń kórsetkishterin qoldaný mynadaı tártippen júzege asyrylady:
1) árbir kórsetkish boıynsha neǵurlym joǵary mánnen neǵurlym tómengisine qaraı jáne reıtıngtegi pozısııasyna baılanysty tekseriletin sýbektiniń ret sanyn aıqyndaýmen tekseriletin sýbektiniń reıtıngisi qurylady;
2) bir táýekel tobynyń kórsetkishteri boıynsha tekseriletin sýbektilerdiń reıtıngisi qurylady.
Bir táýekel tobynyń ishindegi kórsetkishter boıynsha osy tarmaqtyń 1) tarmaqshasyna sáıkes reıtıng qurýdyń nátıjesinde alynǵan tekseriletin sýbektilerdiń rettik nómirlerin qosý júzege asyrylady. Bir táýekel tobynyń ishindegi kórsetkishter boıynsha tekseriletin sýbektiniń jalpy pozısııasyn aıqyndaý úshin alynǵan mánder boıynsha neǵurlym joǵary mánnen neǵurlym tómengisine qaraı tekseriletin sýbektilerdiń reıtıngisi qurylady;
3) osy tarmaqtyń 2) tarmaqshasyna sáıkes reıtıng qurýdyń nátıjesinde alynǵan tekseriletin sýbektilerdiń jalpy pozısııalaryna túzetý koeffısıentterin qoldaný arqyly tekseriletin sýbektiniń jeke kásipkerlik sýbektileriniń quqyqtary men zańdy múddelerin buzý yqtımaldyǵynyń koeffısıenti aıqyndalady.
Tekseriletin sýbektiniń jeke kásipkerlik sýbektileriniń quqyqtary men zańdy múddelerin buzý yqtımaldyǵy koeffısıentin aıqyndaý mynadaı formýla boıynsha júzege asyrylady:
4) tekseriletin sýbektiniń jeke kásipkerlik sýbektileriniń quqyqtary men zańdy múddelerin buzý yqtımaldyǵy koeffısıentteri boıynsha neǵurlym joǵary mánnen neǵurlym tómengisine qaraı tekseriletin sýbektilerdiń reıtıngisi qurylady;
5) tekseriletin sýbektiniń jeke kásipkerlik sýbektileriniń quqyqtary men zańdy múddelerin buzý yqtımaldyǵy koeffısıentteri negizinde tekseriletin sýbektilerdi joǵary, ortasha jáne tómen táýekel dárejeleri boıynsha bólý júzege asyrylady.
8. Tekseriletin sýbektilerdi joǵary, ortasha jáne tómen táýekel dárejeleri boıynsha bólý mynandaı tártippen júzege asyrylady:
1) joǵary táýekel dárejesi tobyna tekseriletin sýbektiniń jeke kásipkerlik sýbektileriniń quqyqtary men zańdy múddelerin buzý yqtımaldyǵy koeffısıentiniń neǵurlym joǵary mánin ıelengen birinshi bes tekseriletin sýbektiler jatady;
2) ortasha táýekel dárejesi tobyna joǵary táýekel dárejesi tobyna jatqyzylǵan tekseriletin sýbektilerden az tekseriletin sýbektiniń jeke kásipkerlik sýbektileriniń quqyqtary men zańdy múddelerin buzý yqtımaldyǵy koeffısıentiniń máni bar ekinshi bes tekseriletin sýbekti jatady;
3) tómen táýekel dárejesi tobyna joǵary nemese ortasha táýekel dárejesi toptaryna jatqyzylmaǵan tekseriletin sýbektiler jatady.
9. Tekseriletin sýbektiniń aýmaqtyq bólimsheleri bolǵan jaǵdaıda, jeke kásipkerlik sýbektileriniń quqyqtary men zańdy múddelerin buzýdyń joǵary yqtımaldyǵy bar aýmaqtyq bólimshelerdi aıqyndaý maqsatynda táýekel dárejesin baǵalaý júıesiniń is-sharalary árbir tekseriletin sýbektiniń aýmaqtyq bólimshelerine qatysty qoldanylady.
Mundaı jaǵdaıda, josparly tekserýge tekseriletin sýbektiniń jeke kásipkerlik sýbektileriniń quqyqtary men zańdy múddelerin buzý yqtımaldyǵy koeffısıentiniń neǵurlym joǵary máni bar tekseriletin sýbektilerdiń aýmaqtyq bólimsheleri tartylady.
10. Tekseriletin sýbektilerdi joǵary, ortasha jáne tómen táýekel dárejesi toptary boıynsha keıingi bólý sýbektıvti táýekel dárejesin baǵalaý krıterııleri negizinde jáne josparly tekserýlerdiń nátıjeleri boıynsha ǵana júzege asyrylady.
Cýbektıvti táýekel dárejesin baǵalaý krıterııleri tekseriletin sýbektiler jibergen zańnamada belgilengen talaptardy buzýshylyqtarǵa baılanysty aıqyndalady.
Sýbektıvti krıterııler osy Krıterıılerdiń qosymshasynda kórsetilgen óreskel, eleýli jáne eleýsiz buzýshylyqtardan turady.
11. Árbir jasalǵan buzýshylyq úshin tekseriletin sýbektige ball beriledi, atap aıtqanda:
1) bir óreskel buzýshylyq úshin – on ball;
2) bir eleýli buzýshylyq úshin – bes ball;
3) bir eleýsiz buzýshylyq úshin – úsh ball.
12. Josparly tekserý qortyndysy boıynsha tekseriletin sýbekt osy Krıterıılerge qosymshada kórsetilgen buzýshylyqtardy jibergen jaǵdaıda, tekseriletin sýbektiniń jınaǵan baldarynyń jalpy sanyn aıqyndaý úshin jınalǵan baldar sany jıyntyqtalady.
13. Jınalǵan baldardyń nátıjesi boıynsha:
1) joǵary táýekel dárejesi tobyna 150 jáne odan kóp ball jınaǵan tekseriletin sýbektiler jatady;
2) ortasha táýekel dárejesi tobyna 80-nen 150 balǵa deıin jınaǵan tekseriletin sýbektiler jatady;
3) tómen táýekel dárejesi tobyna qosa alǵanda 80 balǵa deıin jınaǵan tekseriletin sýbektiler jatady.
14. Komıtettiń tekserý josparyn qalyptastyrý tekseriletin sýbektilerdiń:
1) jeke kásipkerlik sýbektileri qyzmetiniń salalarynda memlekettik baqylaý men qadaǵalaýdy júzege asyrý;
2) lısenzııalaý nemese ózge ruqsat qujattaryn berý, kásipkerlik qyzmetti nemese ózge is-áreketterdi júzege asyrýǵa habarlama qabyldaý;
3) memlekettik qoldaýdy júzege asyrý tártibin saqtaýy máseleleri boıynsha bólek júzege asyrylady.
15. Osy Krıterıılerdiń 12-tarmaǵynda kórsetilgen máseleler bóıynsha árbir tekserý jospary obektıvti nemese sýbektıvti táýekel dárejesin baǵalaý krıterıılerine sáıkes joǵary, ortasha jáne tómen táýekel dárejesi toptaryna jatqyzylǵan tekseriletin sýbektilerden turýy tıis.
16. Tekseriletin sýbektilerdi bir táýekel toby ishinde tekserý josparyna qosý:
bastapqy bólý kezinde tekseriletin sýbektiniń jeke kásipkerlik sýbektileriniń quqyqtary men zańdy múddelerin buzý yqtımaldyǵy koeffısıentiniń neǵurlym joǵary máni boıynsha júzege asyrylady;
keıingi bólý kezinde josparly tekserý qorytyndysy boıynsha jınalǵan baldardyń eń kóp sany boıynsha júzege asyrylady. Ball sanyn teń jınaǵan tekseriletin sýbektilerdiń ishinen tekserý josparyna birinshi kezekte eń kóp óresel buzýshylyq jasaǵan tekseriletin sýbekt qosylady.
Jeke kásipkerlik sýbektilerin qoldaý men qorǵaý salasyndaǵy táýekel dárejesin baǵalaý krıterıılerine 1-qosymsha
Tekseriletin sýbektilerdiń táýekel toptary boıynsha bólingen kásipkerlik
qyzmetke túsetin ákimshilik júkteme dárejesin sıpattaıtyn kórsetkishter
Táýekel toby Memlekettik baqylaý jáne qadaǵalaý Ruqsat berý júıesi Memlekettik qoldaý
Joǵary táýekel dárejesi Ákimshilik aıyppul somasy Ruqsat berýden bas tartýlardyń sany Memlekettik qoldaýdy júzege asyrýdan bas tartýlardyń sany
Ákimshilik jazalaýlar sany
Ortasha táýekel dárejesi Júrgizilgen tekserýlerdiń sany Talaptarǵa saı bolýdy rastaıtyn qujattardyń sany Talaptarǵa saı bolýdy rastaıtyn qujattardyń sany
Ruqsat berýdiń ortasha merzimi Baǵdarlamaǵa ruqsat berý krıterııleriniń sany
Tómen táýekel dárejesi Baqylaýdaǵy sýbektilerdiń sany Berilgen ruqsattardyń sany Qoldaýdy júzege asyrýǵa baǵyttalǵan soma
Ruqsat alýǵa ótinishterdiń sany
Jeke kásipkerlik sýbektilerin qoldaý men qorǵaý salasyndaǵy táýekel dárejesin baǵalaý krıterıılerine 2-qosymsha
Jeke kásipkerlik sýbektilerin qorǵaý men qoldaý salasyndaǵy buzýshylyqtar
№ Buzýshylyqtar Buzýshylyq túri
Tekseriletin sýbektilerdiń jeke kásipkerlik sýbektileriniń qyzmeti salalaryndaǵy memlekettik baqylaý men qadaǵalaýdy júzege asyrý tártibin saqtaýy salasynda
1 Jeke kásipkerlik sýbektilerin táýekel dárejeleri boıynsha bólý saldardyń aýyrlyǵy turǵysynan sýbektiniń mańyzdylyǵy, «Qazaqstan Respýblıkasyndaǵy memlekettik baqylaý jáne qadaǵalaý týraly» 2011 jylǵy 6 qańtardaǵy № 377-IV Qazaqstan Respýblıkasy Zańynyń (budan ári – Zań) 5-babyna sáıkes Qazaqstan Respýblıkasynyń zańnamasynda belgilengen talaptardy buzýshylyqtardyń salalyq statıstıkasy, sondaı-aq jospardan tys tekserýlerdiń nátıjeleri eskerilmeı, júzege asyrylady Eleýli
2 Qazaqstan Respýblıkasynyń Salyq kodeksinde kózdelgen jaǵdaılardy qospaǵanda, baqylaý jáne qadaǵalaý organdarynyń jáne kásipkerlik jónindegi ýákiletti organnyń birlesken buıryǵymen bekitilgen jáne memlekettik organnyń resmı ınternet-resýrsynda jarııalanǵan jeke kásipkerlik salasyndaǵy táýekel dárejesin baǵalaý krıterııleriniń bolmaýy Eleýsiz
3 Baqylaý jáne qadaǵalaý organynyń, quqyqtyq statıstıka jáne arnaıy esepke alý jónindegi ýákiletti organnyń jáne kásipkerlik jónindegi ýákiletti organnyń birlesken buıryǵymen bekitilgen jeke kásipkerlik salasyndaǵy tekseriletin sýbektilerdi tekserý máseleleri jónindegi mindetti vedomstvolyq eseptilik nysandarynyń bolmaýy Eleýsiz
4 Jeke kásipkerlik sýbektilerin tekserýlerdiń sanyn, sondaı-aq tekserý paraqtaryna sáıkes anyqtalǵan buzýshylyqtardy jáne olarǵa qoldanylǵan ákimshilik yqpal etý sharalaryn vedomstvolyq esepke alýdy turaqty jáne úzdiksiz negizde júrgizbeý Eleýsiz
5 Jeke kásipkerlik sýbektilerin tekserý jónindegi vedomstvolyq eseptiliktiń jıyntyq derekterin memlekettik organnyń resmı ınternet-resýrsynda jarııalamaý Eleýsiz
6 Baqylaý jáne qadaǵalaý organynyń jáne kásipkerlik jónindegi ýákiletti organnyń birlesken buıryǵymen bekitilgen jáne memlekettik organnyń resmı ınternet-resýrsynda jarııalanǵan jeke kásipkerlik salasyndaǵy tekserý paraqtary nysandarynyń bolmaýy Eleýsiz
7 Naqty jeke kásipkerlik sýbektisine qatysty josparly tekserýlerdi ýákiletti organ táýekelderdi baǵalaý júıesine sáıkes bekitken tekserýler josparynyń negizinde júrgizbeý jáne aldyńǵy tekserýlerge qatysty belgilengen ýaqyt aralyqtaryn eskermeı júrgizý Eleýli
8 Zańnyń 16-babynyń 7-tarmaǵynda kózdelmegen negizdemeler boıynsha naqty jeke kásipkerlik sýbektisine qatysty jospardan tys tekserýler júrgizý Eleýli
9 Buzýshylyqtar jasalǵan kezde tikeleı jolyn kesý qajet bolǵan jaǵdaılarda jumystan tys ýaqytta (túngi ýaqytta, demalys nemese mereke kúnderi) júrgiziletin jospardan tys tekserýlerdi qospaǵanda, josparly jáne jospardan tys tekserýlerdi ishki eńbek tártibiniń qaǵıdalarynda belgilengen tekseriletin sýbektiniń jumys ýaqytynan tys júrgizý Eleýsiz
10 Mynalarǵa:
1) jarylǵysh zattardyń aınalymy men olardyń jumys isteýiniń belgilengen qaǵıdalarynyń saqtalýyna;
2) azamattyq jáne qyzmettik qarý men onyń patrondarynyń, azamattyq pırotehnıkalyq zattar men olardy qoldana otyryp jasalǵan buıymdardyń aınalymy salasynda jumyspen qamtylǵan jeke jáne zańdy tulǵalardyń qyzmetine;
3) atom energııasyna, radıoaktıvtik zattarǵa;
4) ýlardyń, qarý-jaraqtyń, áskerı tehnıkanyń jáne jekelegen qarý túrleriniń, jarylǵysh jáne pırotehnıkalyq zattar men olardy qoldana otyryp jasalǵan buıymdardyń aınalymy salasynda jumyspen qamtylǵan jeke jáne zańdy tulǵalardyń qyzmetine baılanysty baqylaýdy jáne qadaǵalaýdy qospaǵanda, shaǵyn kásipkerlik sýbektilerine qatysty (qaıta uıymdastyrý tártibimen qurylǵan zańdy tulǵalardy jáne qaıta uıymdastyrylǵan zańdy tulǵalardyń quqyqtyq mırasqorlaryn qospaǵanda) memlekettik tirkelgen kúninen bastap úsh jyl boıy josparly tekserýler júrgizý О́reskel
11 Anonımdi ótinishter boıynsha jospardan tys tekserýler júrgizý О́reskel
12 Naqty emes jeke kásipkerlik sýbektilerine qatysty anyqtalǵan, jospardan tys tekserýdi taǵaıyndaýǵa negiz bola almaıtyn faktiler men mán-jaılar boıynsha jospardan tys tekserýler júrgizý О́reskel
13 Tekserýdi tekserýdi taǵaıyndaý týraly aktisiz, onyń ishinde onda Zańnyń 17-babynyń
2-tarmaǵynda kózdelgen aqparatty kórsetpeı júrgizý О́reskel
14 Qyzmetkerlerdiń ómiri men densaýlyǵyna qater tóngen jaǵdaıda memlekettik eńbek ınspeksııasynyń eńbek qaýipsizdigi jáne eńbekti qorǵaý salasyndaǵy talaptardyń saqtalýy boıynsha jospardan tys tekserýlerdi, salyq qyzmeti organdary Qazaqstan Respýblıkasynyń Salyq kodeksine sáıkes júzege asyratyn qarsy tekserýlerdi qospaǵanda, tekserýdi taǵaıyndaý týraly aktini tekserýler bastalǵanǵa deıin quqyqtyq statıstıka jáne arnaıy esepke alý jónindegi ýákiletti organda, ony jeke kásipkerlik sýbektisi ornalasqan jer boıynsha quqyqtyq statıstıka jáne arnaıy esepke alý jónindegi ýákiletti organnyń aýmaqtyq bólimshesine usyný, onyń ishinde elektrondy formatta usyný arqyly tirkemeý О́reskel
15 Tekserý júrgizýdiń merzimderi men nysanasyn kórsete otyryp, tekserýdiń ózi bastalǵanǵa deıin keminde kúntizbelik otyz kún buryn josparly tekserý júrgizýdiń bastalatyny týraly jeke kásipkerlik sýbektisin jazbasha túrde habardar etpeý О́reskel
16 Zańnyń 16-baby 7-tarmaǵynyń 2), 3), 4), 7) jáne 8) tarmaqshalarynda, 10-tarmaǵynda kózdelgen jaǵdaılardy qospaǵanda, tekserý júrgizýdiń merzimderi men nysanasyn kórsete otyryp, tekserýdiń ózi bastalǵanǵa deıin keminde bir táýlik buryn jospardan tys tekserý júrgizýdiń bastalatyny týraly jeke kásipkerlik sýbektisin jazbasha túrde habardar etpeý О́reskel
17 Jeke kásipkerlik sýbektisi tekserýdi taǵaıyndaý týraly aktini qabyldaýdan bas tartqan nemese tekserýdi júzege asyratyn baqylaý jáne qadaǵalaý organynyń laýazymdy adamynyń tekserý júrgizýge qajetti materıaldarǵa qol jetkizýine kedergi keltirgen jaǵdaıda tekserýdi júzege asyratyn baqylaý jáne qadaǵalaý organy laýazymdy adamy jáne jeke kásipkerlik sýbektisiniń ýákiletti tulǵasy qol qoıǵan hattamany jasamaý Eleýsiz
18 Jeke kásipkerlik sýbektisin jáne quqyqtyq statıstıka jáne arnaıy esepke alý jónindegi organdy tekserý júrgizýshi laýazymdy adamdardyń quramyn aýystyrǵan jaǵdaıda tekserý taǵaıyndaý týraly aktide kórsetilmegen adamdardyń tekserýge qatysýy bastalǵanǵa deıin aýystyrý sebebi kórsetilgen habarlamanyń bolmaýy. Eleýsiz
19 Qazaqstan Respýblıkasynyń salyq zańnamasynda kózdelgen salyqtyq tekserýdi, sondaı-aq salalyq erekshelikteri eskerile otyryp, tekserýler júrgizýdiń mynadaı:
1) sanıtarııalyq-epıdemıologııalyq baqylaý salasyndaǵy tekserýler – on bes jumys kúnine deıin jáne on bes jumys kúnine deıin uzartylatyn;
2) veterınarııa, ósimdikter karantıni jáne olardy qorǵaý, tuqym sharýashylyǵy, astyq jáne maqta naryǵy salasynda – bes jumys kúninen aspaıtyn jáne bes jumys kúnine deıin uzartylatyn merzimderi belgilengen sanıtarııalyq-epıdemıologııalyq baqylaý, veterınarııa, ósimdikter karantıni jáne olardy qorǵaý, tuqym sharýashylyǵy, astyq jáne maqta naryǵy salasynda júrgiziletin tekserýlerdi júrgizý kezindegi jekelegen jaǵdaılardy qospaǵanda tekserýlerdi otyz jumys kúninen asyryp júrgizý О́reskel
20 Qazaqstan Respýblıkasynyń salyq zańnamasynda kózdelgen salyqtyq tekserýdi júrgizý kezindegi jekelegen jaǵdaılardy qospaǵanda, arnaıy zertteýler, synaqtar, saraptamalar júrgizý qajet bolǵanda, sondaı-aq tekserý kóleminiń aýqymdy bolýyna baılanysty baqylaý jáne qadaǵalaý organynyń basshysynyń (ne onyń ornyndaǵy adam) tekserý júrgizýdiń merzimin otyz jumys kúninen asatyn merzimge bir retten asa uzartýy О́reskel
21 Tekserý merzimderi uzartylǵan jaǵdaıda quqyqtyq statıstıka jáne arnaıy esepke alý jónindegi ýákiletti organda tirkeı otyryp, tekserýdi uzartý týraly tekserýdi taǵaıyndaý týraly aldyńǵy aktiniń nómiri men tirkelgen kúni jáne uzartýdyń sebebi kórsetilgen qosymsha aktini resimdemeý Eleýli
22 Tekserý júrgizýdi júrgiziletin tekseris sheńberinde shet memleketterden aıtarlyqtaı mańyzy bar málimetter men qujattar alý, otyz jumys kúninen asatyn merzimde arnaıy zertteýler, synaqtar, saraptamalar júrgizý qajet bolǵan jaǵdaılarda emes, ózge jaǵdaılarda olardy alǵanǵa ne oryndaǵanǵa deıin toqtatýdy júzege asyrý Eleýli
23 Quqyqtyq statıstıka jáne arnaıy esepke alý jónindegi ýákiletti organdy habardar ete otyryp, tekserýdi toqtata turǵanǵa ne qaıta bastaǵanǵa deıin bir kún buryn jeke kásipkerlik sýbektisin tekserýdi toqtata turý ne qaıta bastaý týraly habardar etpeý Eleýsiz
24 Tekserýdi toqtata turý nemese qaıta bastaý kezinde tekserýdi toqtata turý ne qaıta bastaý týraly akt shyǵarmaý Eleýli
25 Tekserýi toqtatylǵan jáne Zańnyń 20-babynda belgilengen merzimderde qaıta bastalmaǵan jeke kásipkerlik sýbektisin qaıta tekserýge jol berý О́reskel
26 О́nimniń úlgilerin irikteý aktisimen rastalǵan ónimderdiń úlgilerin irikteýdi baqylaý jáne qadaǵalaý organynyń laýazymdy adamynyń jeke kásipkerlik sýbektisi basshysynyń nemese ókiliniń jáne jeke kásipkerlik sýbektisiniń ýákiletti adamynyń qatysýymen júrgizbeý Eleýli
27 О́nimderdiń úlgilerin irikteý aktisinde Zańnyń 22-babynda kózdelgen aqparatty kórsetpeý Eleýli
28 Tekserý júrgizý kezinde Zańnyń 23-babynda kózdelgen shekteýlerdi saqtamaý О́reskel
29 Tekserýdiń nátıjeleri boıynsha tekserý nátıjeleri týraly aktini Zańnyń 24-babynyń 1-tarmaǵynda kózdelgen aqparatty kórsete otyryp jasamaý Eleýsiz
30 Tekserý nysanasyna jatpaıtyn talaptardy qoıý jáne ótinish jasaý О́reskel
31 Tekseriletin sýbektiniń ózderiniń quzyretine kirmeıtin máseleler boıynsha tekserýler taǵaıyndaýy О́reskel
32 Baqylaý jáne qadaǵalaý organynyń laýazymdy adamdarynyń baqylaý jáne qadaǵalaý júrgizý kezinde Zańnyń 26-babynyń 3-tarmaǵynda kózdelgen mindetterdi saqtamaýy О́reskel
Tekseriletin sýbektilerdiń lısenzııalaý nemese ózge ruqsat qujattaryn berý, kásipkerlik qyzmetti nemese ózge is-áreketterdi júzege asyrýǵa habarlama qabyldaý tártibin saqtaýy salasynda
33 Jeke kásipkerlik sýbektilerinen «Ruqsattar jáne habarlamalar týraly» Qazaqstan Respýblıkasynyń Zańynda (budan ári – Ruqsattar jáne habarlamalar týraly zań) kózdelmegen ruqsattardyń nemese habarlamalardyń bolýyn talap etý О́reskel
34 Tekseriletin sýbektilerdiń Qazaqstan Respýblıkasynyń normatıvtik quqyqtyq aktilerinde tikeleı kózdelmegen qujattardy berýdi talap etýi О́reskel
35 Memlekettik qupııalardy jáne zańmen qorǵalatyn ózge de qupııany quraıtyn aqparatty qospaǵanda, berilgen ruqsattar, jiberilgen habarlamalar, ruqsattar berýdiń jáne habarlamalar jiberýdiń sharttary týraly málimetterdi «elektrondyq úkimettiń» veb-portalynda jáne tekseriletin sýbektiniń ınternet-resýrstarynda qazaq jáne orys tilderinde ornalastyrmaý Eleýsiz
36 Tekseriletin sýbektilerdiń Ruqsattar jáne habarlamalar týraly zańnyń
21-babynyń 2-tarmaǵynda kórsetilgen mindetterdi saqtamaýy О́reskel
37 Ruqsattyń Qazaqstan Respýblıkasynyń barlyq aýmaǵynda qoldanylýy zańdyq kúshi Qazaqstan Respýblıkasy zańdarynan tómen Qazaqstan Respýblıkasynyń normatıvtik quqyqtyq aktilerinde kózdelgen jaǵdaılarda shekteledi Eleýli
38 Ruqsattardy berý biliktilik nemese ruqsat berý talaptaryna jaýap beretin barlyq tulǵalar úshin teń emes negizderde jáne jaǵdaılarda júzege asyrylady О́reskel
39 Tekseriletin sýbektiniń lısenzııalaý nemese ruqsat berý rásimin júzege asyrý kezinde ótinish berýshiniń qujattaryn alǵan kezden bastap eki jumys kúni ishinde usynylǵan qujattardyń tolyqtyǵyn tekserýdi júzege asyrmaýy Eleýsiz
40 Lısenzııalaý jáne ruqsat berý rásimderin júzege asyrý kezinde Ruqsattar jáne habarlamalar týraly zańnyń 25-babynyń 1-tarmaǵynda kózdelgen merzimderde usynylǵan qujattardyń tolyq bolmaý faktisi anyqtalmaǵan jaǵdaıda ótinish berýshiniń qujattaryn qaraýdan bas tartýdy júzege asyrý Eleýli
41 Ruqsat berý rásimderin júzege asyrý kezinde ruqsat berý organynyń ótinish berýshiniń Qazaqstan Respýblıkasy zańdarynda, Qazaqstan Respýblıkasy Úkimetiniń qaýlylarynda nemese Qazaqstan Respýblıkasy Ulttyq bankiniń normatıvtik quqyqtyq aktilerinde belgilengen talaptarǵa sáıkestigi turǵysynan memlekettik organdardan kelisimder (ilespe ruqsattar) alýy zańdarda, Qazaqstan Respýblıkasy Prezıdentiniń jarlyqtarynda nemese Qazaqstan Respýblıkasy Úkimetiniń qaýlylarynda belgilenbegen jaǵdaılarda júzege asyrylady Eleýli
42 Qazaqstan Respýblıkasynyń zańdarynda, Qazaqstan Respýblıkasy Prezıdentiniń jarlyqtarynda nemese Qazaqstan Respýblıkasy Úkimetiniń qaýlylarynda belgilengen jaǵdaılarda ótinish berýshiniń Qazaqstan Respýblıkasynyń zańdarynda, Qazaqstan Respýblıkasy Úkimetiniń qaýlylarynda nemese Qazaqstan Respýblıkasy Ulttyq Bankiniń normatıvtik quqyqtyq aktilerinde belgilengen talaptarǵa sáıkestigi turǵysynan memlekettik organdardyń kelisimderin (ilespe ruqsattardy) alý úshin, eger ekinshi sanattaǵy ruqsattar úshin Qazaqstan Respýblıkasynyń zańdarynda, Qazaqstan Respýblıkasy Prezıdentiniń jarlyqtarynda, Qazaqstan Respýblıkasy Úkimetiniń qaýlylarynda nemese Qazaqstan Respýblıkasy Ulttyq Bankiniń normatıvtik quqyqtyq aktilerinde ózgeshe merzimder kózdelmese, ruqsat berý organynyń ótinish berýshiniń ruqsatty jáne (nemese) oǵan qosymshany alýǵa arnalǵan qujattary tirkelgen kúnnen bastap eki jumys kúni ishinde onyń aldaǵy qyzmetti nemese áreketti (operasııany) júzege asyrý orny boıynsha tıisti memlekettik organdarǵa saýal jibermeýi Eleýsiz
43 Tekseriletin sýbektiniń ruqsatty jáne (nemese) ruqsatqa qosymshany berý merzimi ótken kezden bastap bes jumys kúninen keshiktirmeı ótinish berýshige ony berýdi júzege asyrmaýy Eleýli
44 Jeke nemese zańdy tulǵanyń ne sheteldik zańdy tulǵa fılıalynyń nemese ókildiginiń qyzmetti júzege asyrý orny boıynsha beriletin «obektilerge beriletin ruqsattar» synyby boıynsha beriletin lısenzııalardy qospaǵanda, jergilikti atqarýshy organdar nemese ortalyq memlekettik organnyń aýmaqtyq organdary lısenzıarlar bolyp tabylǵan jaǵdaılarda, olarǵa lısenzııa jáne (nemese) lısenzııaǵa qosymshany berýdi tirkeý orny boıynsha júzege asyrmaýy Eleýsiz
45 О́tinish berýshilerden lısenzııany jáne (nemese) lısenzııaǵa qosymshany berý úshin Ruqsattar jáne habarlamalar týraly zańnyń 29-babynyń 3-tarmaǵynda kózdelmegen ózge qujattardy usynýdy talap etý О́reskel
46 Eger lısenzıar Ruqsattar jáne habarlamalar týraly zańnyń 29-baby 3-tarmaǵynyń 2) - 5) tarmaqshalarynda kózdelgen qujattar týraly aqparatty tıisti memlekettik aqparattyq júıelerden alýǵa múmkindigi bolsa, olardy ótinish berýshiden usynýdy talap etý Eleýsiz
47 Lısenzııasy bar qyzmet túri nemese áreket (operasııa) sheńberinde jaramdy lısenzııanyń qosymshasyn berý kezinde ótinish berýshilerden Ruqsattar jáne habarlamalar týraly zańnyń 29-baby 6-tarmaǵynyń 1) - 3) tarmaqshalarynda kózdelgen qujattardy qospaǵanda, ózge qujattardy talap etý Eleýsiz
48 Eger bul Ruqsattar jáne habarlamalar týraly zańnyń 1-qosymshasynda kózdelmegen bolsa, lısenzııany berýdi onyń qoldanylý merzimin shekteı otyryp, júzege asyrý О́reskel
49 Lısenzııany jáne (nemese) lısenzııaǵa qosymshany ne olardy berýden dáleldi bas tartýdy Qazaqstan Respýblıkasynyń zańdaryna sáıkes belgilengen tıisti qujattarmen qosa ótinish usynylǵan kúnnen bastap, otyz jumys kúninen keshiktirilmeı beriletin atom energııasyn paıdalaný, qarjy salasyndaǵy jáne qarjy resýrstaryn shoǵyrlandyrýǵa baılanysty qyzmet, bilim berý, munaı jáne gaz salasyndaǵy lısenzııalardy jáne (nemese) lısenzııalarǵa qosymshalardy qospaǵanda, on bes jumys kúninen keshiktirip berý О́reskel
50 Lısenzııaǵa qosymshalardy (lısenzııaǵa qosymshalardyń telnusqalaryn) berý kezinde lısenzııalyq alym alý О́reskel
51 Ruqsattar jáne habarlamalar týraly zańnyń 44-babynda kózdelgen jaǵdaılarda lısenzııalardy jáne (nemese) lısenzııaǵa qosymshalardy berý kezinde lısenzııalyq alym alý О́reskel
52 Ruqsattar men habarlamalar týraly zańnyń 32-babynyń 1-tarmaǵynda kózdelmegen jaǵdaılarda lısenzııany jáne (nemese) lısenzııaǵa qosymshany berýden bas tartýdy júzege asyrý О́reskel
53 Ruqsattar men habarlamalar týraly zańnyń 33-babynyń 1-tarmaǵynda kózdelmegen jaǵdaılarda lısenzııany jáne (nemese) lısenzııaǵa qosymshany qaıta resimdeýdi júzege asyrý Eleýli
54 Lısenzııany jáne (nemese) qosymshany qaıta resimdeý kezinde Ruqsattar men habarlamalar týraly zańnyń 33-baby 3-tarmaǵynyń 1) - 4) tarmaqshalarynda kózdelgen qujattardy qospaǵanda, ótinish berýshiden ózge qujattardy usynýdy talap etý О́reskel
55 Ruqsattar men habarlamalar týraly zańnyń 34-babynyń 4 jáne 5-tarmaqtarynda kózdelgen negizder boıynsha qaıta resimdeýdi qospaǵanda, eger Qazaqstan Respýblıkasynyń zańdarynda ózgeshe belgilenbese, lısenzııany jáne (nemese) lısenzııaǵa qosymshany qaıta resimdeý kezinde lısenzıardyń ótinish berýshiniń biliktilik talaptaryna sáıkestigine tekserýdi júzege asyrýy О́reskel
56 Ruqsattar men habarlamalar týraly zańnyń 33-babynyń 1-tarmaǵynyń 1), 2), 4), 5), 6) tarmaqshalarynda kózdelgen negizder boıynsha bastamashylyq jasalǵan lısenzııany jáne (nemese) lısenzııaǵa qosymshany qaıta resimdeýden Ruqsattar men habarlamalar týraly zańnyń 33-babynyń 3-tarmaǵynda kózdelgen qujattar usynylǵan nemese tıisinshe resimdelgen jaǵdaıda, sondaı-aq ótinish berýshiniń biliktilik talaptaryna saı bolýy jaǵdaıynda, eger osyndaı tekserýdiń qajettigi zańdarda kózdelse, bas tartýdy júzege asyrý О́reskel
57 Qaıta resimdelgen lısenzııalardy jáne (nemese) lısenzııalarǵa qosymshalardy Ruqsattar men habarlamalar týraly zańnyń 48-babynyń erejelerin saqtamaı, elektrondyq nysanda resimdeýdi júzege asyrý Eleýsiz
58 Lısenzıardyń lısenzııany jáne (nemese) lısenzııaǵa qosymshany qaıta resimdeýdi Ruqsattar men habarlamalar týraly zańnyń 34-babynda ózgeshe merzim belgilenbese, Ruqsattar men habarlamalar týraly zańnyń 33-babynyń 3-tarmaǵynda kózdelgen qujattar berilgen kezden bastap úsh jumys kúninen keshiktirip júzege asyrýy Eleýli
59 Lısenzııalanatyn qyzmettiń bir túrine (kishi túrine) lısenzııalary bar birneshe zańdy tulǵa-lısenzıattardyń birigýi nátıjesinde jańadan paıda bolǵan zańdy tulǵaǵa birneshe lısenzııany jáne (nemese) lısenzııaǵa qosymshalardy qaıta resimdeýdi júzege asyrý Eleýli
60 Eger qosylatyn zańdy tulǵada jáne qosylatyn zańdy tulǵany ózine qosyp alǵan zańdy tulǵada lısenzııalanatyn bir qyzmet túrine nemese lısenzııalanatyn qyzmet túriniń kishi túrine lısenzııalar bolsa, qosylatyn zańdy tulǵanyń lısenzııasyn zańdy tulǵany qosyp alǵan zańdy tulǵaǵa qaıta resimdeýdi júrgizý Eleýli
61 Ruqsat berý organynyń Ruqsattar men habarlamalar týraly zańnyń 34-babynyń 4 jáne 5-tarmaqtarynda kózdelgen negizder boıynsha bastamashylyq jasalǵan lısenzııalardy jáne (nemese) lısenzııaǵa qosymshalardy qaıta resimdeýden bas tartýdy Ruqsattar men habarlamalar týraly zańnyń 34-baby 4-tarmaǵynyń besinshi bóliginde jáne 5-tarmaǵynyń besinshi bóliginde kózdelmegen jaǵdaılarda júzege asyrýy Eleýli
62 Ruqsat berý organdarynyń Ruqsattar men habarlamalar týraly zańnyń 34-babynyń 4 jáne 5-tarmaqtarynda kózdelgen negizder boıynsha lısenzııany jáne (nemese) lısenzııaǵa qosymshany qaıta resimdeý kezinde Ruqsattar men habarlamalar týraly zańnyń 34-baby 6-tarmaǵynyń erejelerin saqtamaýy Eleýli
63 Lısenzıardyń Ruqsattar men habarlamalar týraly zańnyń 34-babynyń 4 jáne 5-tarmaqtarynda kózdelgen negizder boıynsha ótinish berýshiniń lısenzııany jáne (nemese) lısenzııaǵa qosymshany qaıta resimdeýge berilgen qujattaryn tirkegennen keıin eki jumys kúni ishinde, eger Qazaqstan Respýblıkasynyń zańdarynda, Qazaqstan Respýblıkasy Prezıdentiniń jarlyqtarynda nemese Qazaqstan Respýblıkasy Úkimetiniń qaýlylarynda belgilengen bolsa, ótinish berýshiniń Qazaqstan Respýblıkasynyń zańdarynda, Qazaqstan Respýblıkasy Prezıdentiniń jarlyqtarynda, Qazaqstan Respýblıkasy Úkimetiniń qaýlylarynda nemese Qazaqstan Respýblıkasy Ulttyq Bankiniń normatıvtik quqyqtyq aktilerinde belgilengen talaptarǵa sáıkestigi turǵysynan memlekettik organdardyń kelisimderin (ilespe ruqsattaryn) alý úshin ótinish berýshiniń óz qyzmetin júzege asyrý orny boıynsha tıisti memlekettik organdarǵa saýal jibermeýi Eleýli
64 Lısenzıarlardyń Ruqsattar men habarlamalar týraly zańnyń 34-babynda belgilengen merzimder ishinde qaıta resimdelgen lısenzııany jáne (nemese) lısenzııaǵa qosymshany ne olardy qaıta resimdeýden dáleldi bas tartýdy berýdi júzege asyrmaýy О́reskel
65 Lısenzııanyń jáne (nemese) lısenzııaǵa qosymshanyń qoldanylýyn Ruqsattar men habarlamalar týraly zańnyń 35-babynyń 1-tarmaǵynda kózdelmegen jaǵdaılarda toqtatý Eleýli
66 Ruqsat berý organdarynyń Ruqsattar men habarlamalar týraly zańnyń 36-babynda kózdelgen jekelegen qyzmet túrlerin lısenzııalaýdyń erekshe sharttaryn saqtamaýy О́reskel
67 Ruqsat berý organdarynyń eksport jáne ımport salasyndaǵy lısenzııalaý týraly jalpy erejelerdi saqtamaýy О́reskel
68 Ruqsat berý organdarynyń Qazaqstan Respýblıkasynyń zańdarynda, Qazaqstan Respýblıkasy Prezıdentiniń jarlyqtarynda, Qazaqstan Respýblıkasy Úkimetiniń qaýlylarynda nemese Qazaqstan Respýblıkasy Ulttyq Bankiniń normatıvtik quqyqtyq aktilerinde aıqyndalmaǵan ruqsat berý talaptaryn usynýdy, ekinshi sanattaǵy ruqsattardy berý úshin qajetti qujattardyń tizbesin usynýdy talap etýi Eleýli
69 Ruqsat berý organdarynyń ekinshi sanattaǵy ruqsattardyń Qazaqstan Respýblıkasynyń zańdarynda, Qazaqstan Respýblıkasy Prezıdentiniń jarlyqtarynda, Qazaqstan Respýblıkasy Úkimetiniń qaýlylarynda nemese Qazaqstan Respýblıkasy Ulttyq Bankiniń normatıvtik quqyqtyq aktilerinde belgilengen merzimderde berilýin saqtamaýy О́reskel
70 Ruqsat berý organynyń ekinshi sanattaǵy ruqsatty berýden bas tartýdy Qazaqstan Respýblıkasynyń zańdarynda, Qazaqstan Respýblıkasy Prezıdentiniń jarlyqtarynda, Qazaqstan Respýblıkasy Úkimetiniń qaýlylarynda nemese Qazaqstan Respýblıkasy Ulttyq Bankiniń normatıvtik quqyqtyq aktilerinde kózdelmegen negizder boıynsha júzege asyrýy О́reskel
71 Ruqsat berý organynyń ekinshi sanattaǵy ruqsatty berý úshin belgilengen merzimderdi buza otyryp ótinish berýshige ekinshi sanattaǵy ruqsatty berýden dáleldi bas tartýdy júzege asyrýy О́reskel
72 Ekinshi sanattaǵy ruqsattyń qoldanylýyn Qazaqstan Respýblıkasynyń zańdarynda, Qazaqstan Respýblıkasy Prezıdentiniń jarlyqtarynda, Qazaqstan Respýblıkasy Úkimetiniń qaýlylarynda nemese Qazaqstan Respýblıkasy Ulttyq Bankiniń normatıvtik quqyqtyq aktilerinde aıqyndalmaǵan jaǵdaılarda jáne tártippen toqtatýdy júzege asyrý Eleýli
73 Ruqsat berý organynyń ruqsattyń jáne (nemese) ruqsatqa qosymshanyń telnusqalaryn tıisti ótinish berilgen kúnnen bastap eki jumys kúninen keshiktirip, ruqsattyń jáne (nemese) ruqsatqa qosymshanyń oń jaqtaǵy joǵarǵy buryshynda «Telnusqa» degen jazýmen jáne olardyń alǵash berilgen kúni men qaıta resimdelgen kúnin kórsete otyryp, berýdi júzege asyrýy Eleýli
74 Ruqsat berý organynyń ótinish berýshi tıisti ótinishti bergen kúnnen bastap eki jumys kúninen keshiktirip, ruqsattar men habarlamalardyń memlekettik elektrondyq tizilimine qajetti ózgeristerdi engizýdi jáne tıisti túzetýleri bar ruqsatty jáne (nemese) ruqsatqa qosymshany berýdi júzege asyrýy (berilgen ruqsatta jáne (nemese) ruqsatqa qosymshada qateler tabylǵan jaǵdaıda) Eleýli
75 Ruqsat berý organynyń ruqsattyń jáne (nemese) ruqsatqa qosymshanyń qoldanylýyn toqtata turýdy Qazaqstan Respýblıkasynyń zańdarynda kózdelmegen tártippen jáne negizder boıynsha júzege asyrýy О́reskel
76 Ruqsat berý organynyń ótinish berýshiniń buzýshylyqtardyń joıylǵany týraly ótinish bergen kúninen bastap on jumys kúninen keshiktirip, Ruqsattar men habarlamalar týraly zańnyń 51-babynyń 2-tarmaǵynda kózdelgen tártippen buzýshylyqtardyń joıylǵanyn tekserýdi júzege asyrýy Eleýli
77 Lısenzıat nemese ekinshi sanattaǵy ruqsatty ıelenýshi toqtata turý merzimi ótkenge deıin ruqsatty jáne (nemese) ruqsatqa qosymshany toqtata turý úshin negiz bolǵan buzýshylyqtardyń joıylǵany týraly ótinishti bermegen jaǵdaıda, ruqsat berý organdarynyń toqtata turý merzimi ótkenge deıin on jumys kúni ishinde ruqsattan jáne (nemese) ruqsatqa qosymshadan aıyrý (keri qaıtaryp alý) rásimine bastamashylyq jasaýdy júzege asyrýy Eleýli
78 Aıyrý (keri qaıtaryp alý) Qazaqstan Respýblıkasynyń zańnamasynda kózdelgen tártippen jáne (nemese) negizder boıynsha júzege asyrylatyn agroónerkásiptik keshendi damytý salasyndaǵy ýákiletti organ beretin ruqsattardy qospaǵanda, ruqsat berý organynyń ruqsattan aıyrýdy (keri qaıtaryp alýdy) Qazaqstan Respýblıkasynyń zańdarynda kózdelmegen tártippen jáne (nemese) negizder boıynsha júzege asyrýy О́reskel
79 Tekseriletin sýbektiniń Ruqsattar men habarlamalar týraly zańnyń 46-babynyń 5-tarmaǵyn saqtamaýy Eleýli
80 Habarlamalar qabyldaýdy júzege asyratyn memlekettik organdardyń ótinish berýshilerge ruqsattar men habarlamalardyń memlekettik elektrondyq tiziliminen ótinish berýshilerdiń jibergen habarlamalary týraly úzindi kóshirmelerdi ótinish jasalǵan kúnnen bastap úsh jumys kúninen keshiktirip berýi Eleýsiz
81 Avtomattandyrýǵa jatpaıtyn ruqsattardy qospaǵanda, ruqsat berý organdarynyń qaǵaz nysanynda júzeg